​Иран АҚШ тың теңіздегі блокадасына қарамастан мұнай экспортын жалғастырып отыр

Иранның мұнай министрі Мохсен Пакнежад Тегеран мұнай жеткізуді тоқтатпағанын, «қашықтағы сулардағы клиенттеріне» мұнай жеткізуді жалғастырып жатқанын мәлімдеді, деп хабарлайды АА.

Jamaran сайтының хабарлауынша, Пакнежад Орталық банк басшысы Абдольнасер Хемматидің «ел мүлде мұнай экспорттамайды» деген сөзін жоққа шығарды. Министрдің айтуынша, АҚШ-тың теңіздік блокадасы сатылым көлемін азайтқанымен, экспорт толық тоқтаған жоқ.

«Құпия мәліметтерді ашпаймын, себебі қарсы тарап оны пайдаланып кетуі мүмкін. Қазіргі таңда мұнайды біздің аумақтық сулардан тыс, қашықтағы аймақтарда сатып алушыларға жеткізу процесі жалғасуда», – деді Пакнежад.

20 тамызда Хеммати мұнай экспортының «толығымен тоқтағанын» айтқан болатын. Оның сөзінше, Катар мен Ирак сияқты елдер де экспорт көлемін нөлге дейін түсірген.

АҚШ енгізген теңіздік блокада Иран порттарына кемелердің кіруіне және шығуына, сондай-ақ Ормуз бұғазы арқылы ирандық кемелердің өтуіне кедергі келтіреді. Дәстүрлі түрде Иран мұнайының негізгі бөлігі Қытайға бағытталады.

Кеше, 12:16