Иран билігінде сатқын бар ма? Бір генерал тағы да аман қалды

Arasha.KZ парақшасынан алынған деректерге сүйене отырып, Qazaq24.com мәлімдеме жасады..

Иранның рухани көшбасшысы аятолла Хаменей өлтірілді. Оның орнын кім басатынын білмеймін. Бірақ осы шабуылдар кезінде құтылып кетіп жүрген бір генерал бар. Ол - Исмаил Каани. Ислам революциясын қорғау корпусы "әл Құдыс" күштерінің қолбасшысы. Ол "Хезболла" жетекшісі Хасан Насралла өлтірілген шабуыл кезінде жиыннан ерте кеткен деседі. Оның алдында Дамаскіде ИРҚК командирлеріне шабуыл жасалғанда да мәжілістен ерте кеткен дейді. Сосын 12 күндік шабуыл кезінде де өлмей қалған көрінеді. Осы жолы да шабуылдан құтылған екен. Сөйтіп түрлі күдік пен қауесетке себеп бола бастады. Израиль барлауына қызмет етуі мүмкін деген болжам да бар. Барлауға қатысы жоқ болса да күдікке ілінеді.

Израиль медиасы кейбір шенділердің "жиналыс болатыны жайлы ақпарат алған соң шабуылды ерте бастадық" дегенін жазды. Яғни аятолланың төңірегіндегілер жиналғалы жатқанын біліп қойған. Демек Иранның жоғарғы билігінде агенттер болуы мүмкін. Кімдер екені әзірге белгісіз. Табылмайтын да шығар. Кезінде Гитлер ставкасында "Вертер" деген агент болған екен. КСРО пайдасына жұмыс істеген. Нақты кім екені әлі белгісіз. Ал парсы жерінде бірнеше елдің агентурасы жұмыс істеп жатқан сияқты. Әрі өте нәтижелі болып жатыр. Өкініштісі мұндай агентура барлық елде бар. Тек "ұсталмаған -ұры емес". Біздің елде де түрлі мемлекеттердің барлаушылары толып жүрген шығар. Ресей де, Қытай да, АҚШ та, өзгесі де қарап отырмайды. Кезінде парсы агенттері де біздің елден түрлі ақпарат алуға тырысқан. Әсіресе Ақтаудағы МАЭК технологиясына қызығыпты.