Израиль қорғаныс министрі Газада атыстың қайта жалғасуы мүмкін екенін мәлімдеді

Агенттіктің ақпаратына сүйенсек, егер радикалды палестиналық ХАМАС ұйымы қарудан бас тартпайтын болса, Израиль Газадағы әскери әрекеттерді қайта жалғастырады. Бұл туралы Израиль қорғаныс министрі Исраэль Кац мәлімдеді.

«Егер ХАМАС (Газаға қатысты бейбіт реттеу туралы келісімді — ред.) орындаудан бас тартса, Израиль АҚШ-пен келісіп, ХАМАС-ты түгел талқандауға, Газадағы жағдайды өзгертеді және соғыс мақсатының барлығына қол жеткізу үшін қайтадан әскери әрекеттерге оралады», — делінген Кацтың кеңсесінің хабарламасында.

Осыған байланысты Кац әскерге Газадағы ұрыстарды қайта бастау қажеттігі туындаған жағдайда қолданатын «кешенді жоспарды» дайындауды тапсырды.

Министр келісімнің Газадағы радикал құрылымдарды қарусыздандыруды көздейтінін еске салды, дегенмен радикалдар бұл талапты қабылдамай отыр.

«Трамптың жоспары бойынша ХАМАС өзінде бар барлық қаза тапқан тұтқындарды (қалдықтарын) қайтарып, қарудан бас тартуы тиіс, ал Израиль АҚШ бастаған халықаралық күштермен бірге Газадағы барлық туннельдерді және террористік инфрақұрылым объектілерін қиратып, Газаның демилитаризациясын қамтамасыз етіп, Израиль мемлекетіне төніп тұрған кез келген қауіпті жоюға кіріседі», — деп атап көрсетті Кац.

Айта кетейік, бұған дейін Израиль Газа секторына 45 палестиндіктің мәйітін тапсырды.

Сондай-ақ АҚШ президенті Дональд Трамп ХАМАС ұйымын күшпен қарусыздандыратынын мәлімдеді.