Канада премьері Зеленскиймен Украинаны қолдау туралы талқылады

АЛМАТЫ, 12 қазан - Sputnik. Канаданың премьер-министрі Марк Карни Владимир Зеленскиймен "тілек білдірушілер коалициясы" аясында Украинаны қолдауды, сондай-ақ Киев үшін қауіпсіздік кепілдігі мәселесін талқылады, деп хабарлайды премьер-министр кеңсесі. Бұл туралы РИА Новости жазды.

"Премьер-министр Марк Карни Украина президенті Владимир Зеленскиймен сөйлесті. Олар Канаданың Украинаны қолдау және бейбітшілік пен қауіпсіздікті нығайту үшін "тілек білдірушілер коалициясындағы" серіктестермен жасалып жатқан жұмыстағы рөлін атап өтті", - делінген хабарламада.

Бұған дейін Парижде Ұлыбритания премьер-министрі Кир Стармер мен Франция президенті Эммануэль Макронның төрағалығымен "тілек білдірушілер коалициясының" кездесуі өткен болатын. Саммит қорытындысы бойынша Франция көшбасшысы 26 ел Украинада атысты тоқтатқаннан кейін тұрақтандыру күштерін орналастыруға дайын екенін айтты. Түркияның сыртқы істер министрі Хакан Фидан АҚШ мемлекеттік хатшысы Марко Рубиомен Киевке қауіпсіздік кепілдігін беру мәселесін талқылағанын айтты. Оның айтуынша, Анкара осы келіссөздерге қатысуды талап етеді және бұл тақырыптың Түркияның қатысуынсыз қаралғанын қаламайды.