KEGOC электр желілерін жыл сайын жаңартады

2025 жыл отандық энергетика үшін үлкен өзгерістер мен тұрақтылық жылы болды.  

Ұлттық электр торабының бас операторы - KEGOC компаниясы биыл инфрақұрылымды жаңғырту мен цифрландыруда айтарлықтай жетістіктерге жетті. Желілердің қолжетімділігі соңғы жылдардағы рекордтық көрсеткішке жетіп, стратегиялық жобалар іске қосылды.

Биыл KEGOC жоспарлы жөндеу және жаңа нысандарды іске қосу арқылы желінің іркіліссіз жұмысын қамтамасыз етті. Қаржылық көрсеткіштер де көңіл қуантады.  Компания жылды 67 миллиард теңге таза пайдамен қорытындылауды жоспарлап отыр.  Бұл көрсетілген қызмет көлемінің өсуімен тікелей байланысты.

ЦИТАТА:

Желінің қолжетімділігі бойынша көрсеткіш соңғы жылдардағы ең жоғары нәтижелердің бірі. Бұған жоспарлы жөндеу, уақтылы жаңғырту және жаңа нысандарды іске қосудың нәтижесінде қол жеткізіп отырмыз. Компания реттелетін негізгі үш қызметі бойынша жоспарды орта есеппен 3%-ға асыра орындады. Қызмет көлемі де артты.

Нәби Айтжанов, «KEGOC» АҚ Басқарма төрағасы:

- Компания инвестициялық жобаларды асырып қана қоймай, технологиялық цифровизацияға ден қойып келеді. Жиілік пен қуатты автоматты реттеу жүйесін енгізу салаға соны серпін берді. Егер бұрын жүйенің реакция беру уақыты 30 минутқа созылса, қазір бұл процесс небәрі 1 секундтың ішінде атқарылады. Бұл шешімнің экономикалық тиімділігі 16 миллиард теңгені құрады. 

ЦИТАТА:

Компания жыл сайын электр нысандарын жаңартып, жаңғыртып отырады. Биыл бірқатар қосалқы станциялардың қуаты 860 МВА-ға ұлғайтылды. Алдағы уақытта тағы 18 нысанды жаңғырту жоспарланған. Сонымен қатар екі стратегиялық жоба іске асырылып жатыр: Оңтүстік аймағының электр желісін күшейту және Батыс Қазақстанды Бірыңғай электр жүйесіне біріктіру жобалары. Бұл еліміздің болашақ энергетикалық қауіпсіздігін нығайтуға мүмкіндік береді. 

Бақытхан Жазықбаев, «KEGOC» АҚ Басқарма төрағасының орынбасары: 

- Сондай-ақ ESG қағидаттарын ұстанудың нәтижесінде компанияның корпоративтік рейтингі 62 балға дейін көтерілді. KEGOC корпоративті-әлеуметтік тұрақтылық деңгейі 88 пайызға, «Самұрық-Қазына» қоры компаниялары арасында еңбек қауіпсіздігі мәдениеті 94 пайыз деңгейін көрсетті. 

Наргиз Бекмағанбетова, Ақылбек Есімсейітов