Кеңқияқ Құмкөл бағыты бойынша экспорттық мұнай айдау 63% ға артты

АСТАНА, 11 тамыз-Sputnik. 2026 жылдың І жартыжылдығының қорытындысы бойынша "Қазақстан-Қытай құбыры" ЖШС (ҚҚҚ) негізгі өндірістік көрсеткіштерінің өскенін көрсетті, дейді "ҚазТрансОйл".

Есепті кезеңде компанияның магистральдық мұнай құбырлары жүйесі арқылы 9 млн 757 мың тонна мұнай тасымалданды. Бұл 2025 жылдың сәйкес кезеңіндегі көрсеткіштен 149 мың тоннаға немесе 2%-ға артық. Оның ішінде экспортқа 916 мың тонна мұнай тасымалданып, бұл өткен жылдың сәйкес кезеңімен салыстырғанда 277 мың тоннаға немесе 43%-ға көп.

"Кеңқияқ – Құмкөл" мұнай құбыры арқылы мұнай тасымалдау көлемі 4 млн 319 мың тоннаны құрады. Бұл өткен жылғы көрсеткіштен 12 мың тоннаға артық. Оның ішінде экспортқа 258 мың тонна мұнай жөнелтілді. Бұл 2025 жылдың І жартыжылдығымен салыстырғанда 99 мың тоннаға немесе 63%-ға көп, - дейді "ҚазТрансойл".

Компания "Атасу – Алашаңқай" мұнай құбыры арқылы 5 млн 696 мың тонна мұнай тасымалданатынын айтты. Бұл 2025 жылдың І жартыжылдығындағы көрсеткіштен 236 мың тоннаға немесе 4,3%-ға артық, дейді.

Оның ішінде экспортқа 659 мың тонна мұнай тасымалданып, өткен жылдың сәйкес кезеңімен салыстырғанда 178 мың тоннаға немесе 37%-ға өскен.

Есепті кезеңде ҚҚҚ мұнайының жүк айналымы 8 млрд 840 млн тонна-километрді құраған.