Классикалық мәдениет тұлғалары

Ұлт мәдениетінің биігін әлемге танытқан дара тұлғалар уақыт өткен сайы­н биіктей түседі. Қазақ өнерінің қос алыбы – ән әлемінің хас шебері Ермек Серкебаев пен кино кеңістігінің классигі Абдолла Қарсақбаевтың туғанына 100 жыл толуының ЮНЕСКО аясында атап өтілуі – соның айқын дәлелі.

Коллажды жасаған – Зәуреш СМАҒҰЛ ,«EQ»

Бұл – бір елдің ғана емес, күллі адамзат мәдениетінің ортақ қазынасына айналған өнер иелеріне көрсетілген жоғары құрмет. Себебі ЮНЕСКО шеңберінде мерейтойлардың аталып өтуі – тұлғаның еңбегі ұлттық деңгейден асып, жаһандық маңызға ие болғанын білдіреді. Ермек Серкебаев пен Абдолла Қарсақбаев дәл осындай биікке көтерілген, қазақ руханиятының алтын қорына өлшеусіз үлес қосқан қайраткерлер.

Ермек Бекмұхамедұлы Серкебаев – қазақтың кәсіби вокал өнерін әлемдік деңгейге шығарған бірегей дауыс иесі. Әншінің баритон үні – тек техникалық шеберлік емес, ұлттың мінезін, болмысын, ішкі жан тебіренісін жеткізген құдіретті дауыс. Қазақ опера өнеріндегі Абай, Қожағұл, Серке сынды бейнелер әнші орындауында жаңа көркемдік биікке көтерілді. Ол сахнада ән айтқан жоқ, халықтың тағдырын, тарихын, арманын сөйлетті. Сондықтан да Ермек Сер­кебаевтың өнері – уақытпен шектелмейтін рухани мұра.

Ал Абдолла Қарсақбаев – қазақ кино­сының жүрегіне айналған есім. Оның туын­дылары қарапайымдылығымен терең, шынайылығымен қымбат. Әсіресе «Менің атым Қожа» фильмі – бірнеше буынның санасына сәуле түсірген, адамгершілік пен адалдықты дәріптеген мәңгілік шығарма. Қарсақбаев кино арқылы қазақ баласының болмысын, ауыл өмірінің философиясын, ұлттық тәрбиенің мәйегін нәзік юмор мен үлкен жүрек арқылы көрсете білді. Режиссер камераны тек техника ретінде емес, адам жанына үңілетін құрал ретінде қолданды.

Ал қос тұлғаның шығармашылығын біріктіретін ортақ қасиет – шынайылық пен ұлттық рухқа адалдық. Олар өз заманында да, бүгін де көрермен мен тыңдар­манын жоғалтқан жоқ. Себебі нағыз өнер уақыттан биік тұрады. Тоқетерін түйгенде, Ермек Серкебаевтың үні мен Абдолла Қарсақбаевтың кино тілі – қазақ халқының жан дауысы. Сол дауыс бүгінде ЮНЕСКО мінберінен естіліп, адамзат мәдениетінің ортақ әуеніне айналуы – ұлтымыз үшін зор мәртебе. Бұл мерейтойлар өткенге тағзым ғана емес, болашаққа сеніммен қараудың жарқын нышаны.

Соңғы жаңалықтар

Президент Қасым-Жомарт Тоқаев Қазақстан халқын Жаңа жыл мерекесімен құттықтады

Президент • Бүгін, 00:03

Астанадағы көктайғақ салдарынан 300 адам зардап шеккен

Ауа райы • Кеше

Аустралия мен Жаңа Зеландия 2026 жылды алғаш болып қарсы алды

Әлем • Кеше

Қазақстанда сәбилер өлімі тарихи ең төменгі деңгейге жетті

Денсаулық • Кеше

ІKOMEK109 арқылы өтініш қабылдау тоқтатылады

Қоғам • Кеше

1 қаңтардан бастап елшіліктер шетелдіктерге ЖСН беруді тоқтатады

Қоғам • Кеше

ФИФА футбол ережесіне өзгеріс енгізуі мүмкін

Спорт • Кеше

Теңгедегі депозит мөлшерлемелері 20%-ға дейін өсті

Қаржы • Кеше

Қазақстанда қаңтар айында ауа райы қандай болады?

Ауа райы • Кеше

Медициналық тексеруден өтпек болған ер адам 10 күнге қамалды

Қоғам • Кеше

Елорда әкімдігі толассыз жауған қарға байланысты мәлімдеме жасады

Ауа райы • Кеше

Төрт облыстағы республикалық жолда көлік қозғалысы шектелді

Ауа райы • Кеше

Зейнетақыны алу тәртібі өзгеруі мүмкін

Экономика • Кеше

Байланыс операторлары мен букмекерлерге айыппұл күшейді

Заң мен Тәртіп • Кеше

Астанада автобус аялдамасын бүлдірген вандал ұсталды

Оқиға • Кеше

Барлық жаңалықтар