Маңғыстау облысының энергетикалық қуаты артып келеді

Маңғыстау облысының энергетикалық қуаты жыл санап  артып келеді.

Оның бір дәлелі ретінде Жаңаөзендегі газ электр станциясын айтуға болады. Кәсіпорын соңғы 5 жылда 430 млн киловатт электр энергиясын өндіріп, аймақтағы электр қуатына деген жүктемені айтарлықтай жеңілдетті. Құны 8,5 млрд теңге болатын жоба «Бәйтерек» Ұлттық басқарушы холдингінің қолдауымен іске асқан.

Газ электр станциясы Жаңаөзен қаласын дамытудың кешенді жоспары аясында жүзеге асты. «OzenMunaiProm» компаниясының тапсырысы бойынша шетелдік инвесторлар қаржысына салынған нысанның қуаты 30,5 мегеватт. Кәсіпорынның негізгі міндеті – қазақ газ өңдеу зауытын үздіксіз электр қуатымен қамтамасыз ету. Осының арқасында газ зауыты 2 млрд теңге үнемдеген. 

Нұрберген Худибаев, Жаңаөзен қаласы әкімінің орынбасары:

- Ол деген біріншіден бізге қаламыздың тапшылығын нетті. Екіншіден әлеуметтік жағынан келетін болсақ, бұл деген қаламыз моно город қала Жаңаөзен қаласы ең күрделі өзекті мәселеміз -жұмыссыздық. Атап айтқанда жұмыс мәселесін шешті.  

Кәсіпорын 63 адамды тұрақты жұмыспен қамтып отыр. Оның 16-сы «Жұмыс жасаймын» деп аталатын өңірлік бағдарлама бойынша орналасқан. Болашақта нысанның қуатын арттыру бағытында бірқатар жобаларды жүзеге жасыру жоспары бар.

Азамат Нәренов, газ электр станциясы директорының орынбасары:

- Қазіргі таңда осы жобаны 50 мегеваттқа дейін өсіру мақсатында жұмыстанып жатырмыз. Еліміздің президенті Қасым-Жомарт Кемелұлының елдің тірегі болатын шағын және орта бизнесті дамыту аясында жобамызға өте көп ықпалы тиюде. 

Кәсіпорын қуатын арттыру жоспары да шетелдік компаниялармен бірлесе жүзеге асырылады. Келер жылы Германиялық Medal Group компаниясы Жаңаөзен қаласының дамуына шамамен 20 млрд теңге инвестиция салмақшы. Ол туралы қала әкімдігі, шетелдік инвестор мен OzenMunaiProm  компаниясы арасында үшжақты меморандум жасалды. Соның нәтижесінде кәсіпорын қуатын 50 мегеватқа көбейтіп, одан шығатын энергия жылыжай кешенін жылытуға пайдаланылады. «Бұл жаңа жұмыс орындарын ашуға және өңір экономикасын дамытуға мүмкіндік береді» дейді мамандар.

Елдос Кәкенов, Тамара Степанова, Ренат Дусалиев