Мәскеу соты Google мен Telegram ға айыппұл салды

Мәскеудің Таганский аудандық соты Google мен Telegram компанияларына айыппұл салды, деп хабарлайды ТАСС.

Сот шешіміне сәйкес, Google LLC компаниясы Google Play дүкені арқылы VPN-сервистерді таратқаны үшін кінәлі деп танылып, жалпы сомасы 22 млн 800 мың рубль айыппұл төлеуге міндеттелді. Бұл шешім алты хаттама бойынша шығарылды. Компания РФ Әкімшілік құқық бұзушылық туралы кодексінің 13.41-бабының 2-бөлімі бойынша, яғни заңнамада көзделген жағдайда интернет-ресурс иесі ақпаратты жоймағаны үшін жауапқа тартылды.

Сонымен қатар, сот Telegram Messenger Inc. компаниясына да айыппұл салды. Мессенджер ақпаратты қайта-қайта жоймағаны үшін кінәлі деп танылып, 7 млн рубль көлемінде айыппұл төлеуге міндеттелді. Telegram қашықтан алкоголь сату туралы хабарландырулар мен ЛГБТ-контентті жоюдан бас тартқаны үшін РФ ӘҚБтК-нің 13.50-бабының 3-бөлімі бойынша жауапқа тартылды.

Бұл шешім Ресейде интернет-платформаларға қатысты бақылау шараларының күшейіп келе жатқанын көрсетеді. Google мен Telegram-ға салынған айыппұлдар цифрлық сервистердің заң талаптарын орындау міндетін тағы да еске салды.

Бүгін, 17:16