Мәжіліс депутаты дабыл қақты: Roblox баланың санасына қалай әсер етеді?

Онлайн ойын алаңдарының балаларға ықпалы қоғамды алаңдата бастады. Мәжіліс депутаты, «Amanat» партиясы фракциясының мүшесі Шапақ Үнзилә балалар мен жасөспірімдер арасында кең тараған Roblox платформасының қауіптері туралы мәселе көтерді, деп жазады Egemen.kz.

Депутаттың айтуынша, Roblox күн сайын шамамен 150 млн адамды жинайды. Платформа аудиториясының басым бөлігін кәмелетке толмаған балалар мен жасөспірімдер құрайды. Осыған байланысты ата-аналар, мұғалімдер және халықаралық сарапшылар алаңдаушылық білдіріп отыр.

«Виртуалды тәуелділік, агрессивті мінез-құлық, шынайы өмірден алшақтау, жасына сай келмейтін контентпен байланыс сияқты қауіптер байқалады. Мұндай факторлардың балалардың психологиялық дамуына әсері ұзақ мерзімді теріс салдарға әкелуі мүмкін», деп жазылған депутаттық сауалда.

Онлайн ойындар нені насихаттап жүр?

Шапақ Үнзиләнің айтуынша, мұндай интернет алаңдарда алаяқтар мен педофилдер де белсенді әрекет етеді. Ол олардың жұмыс тәсілін ерекше атап өтті.

«Алдымен ойын ішіндегі виртуалды чат арқылы баланың сеніміне кіреді. Кейін әңгімені Telegram-ға көшіреді, құпия кездесуге шақырады. Мұның соңы қайғылы жағдаймен аяқталуы мүмкін. Алаяқтар да осыған ұқсас әрекет етеді. Сыйлық уәде етіп, кейін ата-ананың банк картасының нөмірін және SMS арқылы келген кодты сұрайды», деп түсіндірді депутат.

Халық қалаулысы компанияның балалар үшін қауіпсіз орта қалыптастырдық деген мәлімдемесіне қарамастан, нақты бақылау мүмкін емес екенін алға тартты. Себебі платформада секундына 50 мыңнан астам хабарлама тарайды.

Осыған байланысты депутат бірқатар сауал жолдады. Атап айтқанда, Қазақстанда Roblox-тың балалар мен жасөспірімдерге әсеріне қатысты арнайы зерттеу жүргізілген бе. Өзге елдердің тәжірибесін ескере отырып, платформаның жұмысын шектеу немесе қосымша бақылау тетіктерін енгізу қарастырыла ма. Сондай-ақ балалардың интернеттегі қауіпсіздігін қамтамасыз ету үшін қандай алдын алу шаралары қабылданып жатқаны және Ішкі істер министрлігі мен Бас прокуратурада онлайн ойын алаңдары арқылы жасалған алаяқтық, бопсалау немесе өзге де құқықбұзушылық деректері тіркелген бе? деген сұрақтар қойылды.

Онлайн-ойын: Сан соғып қалмаңыз!

Депутаттың бұл бастамасы интернеттегі балалар қауіпсіздігі мәселесін қайта күн тәртібіне шығарып отыр.

Бұған дейін мағынасыз «мемдерге», оның ішіндегі беймазмұн әуендерге қатысты ел ішінде наразылық туған еді. Әсіресе, «Trallallero Trallalla» әуені баланың ғана емес, ересек адамның да санасына кері әсер ететіні туралы дабыл қағылды.

Соңғы жаңалықтар

Қазақстанда зейнет жасы өзгере ме?

Қоғам • Бүгін, 16:30

Депутат алкогольдік ішімдіктерді кешкі сағат сегізден кейін сатуға тыйым салуды ұсынды

Қоғам • Бүгін, 16:25

Павлодарда нейрожелі баланы ұру дерегін анықтаған

Қоғам • Бүгін, 16:15

Отандық тауар өндірушілер сертификат алу кезінде кедергіге тап болып отыр

Бизнес • Бүгін, 16:01

Елімізде мал өсірушілер одағы құрылып, жұмысын бастады

Қоғам • Бүгін, 15:50

Прокурорлар Оңтүстік Кореяның бұрынғы президентін өлім жазасына кесуді сұрады

Әлем • Бүгін, 15:40

Енді мектеп директорлары екі оқу жылына тағайындалуы мүмкін

Білім • Бүгін, 15:25

Қайрат Сатыбалдының қонақүйі мемлекетке қайтарылды

Заң мен Тәртіп • Бүгін, 15:13

Сирия Алеппо провинциясына қосымша әскер кіргізді

Әлем • Бүгін, 15:00

Ақтауда полицейлер суға батып бара жатқан жасөспірімді құтқарды

Аймақтар • Бүгін, 14:45

BilimClass платформасына ауысуға уақытша тыйым салынды

Білім • Бүгін, 14:31

Қазақстанның ірі кен орындарында мұнай өндірісі күрт төмендеді

Экономика • Бүгін, 14:17

Әскерилер майдангерді ғасырлық мерейтойымен құттықтады

Өшпес даңқ • Бүгін, 13:30

Шаруалар Үкіметтің сәбіз эскпортына қатысты шешіміне наразылық білдірді

Экономика • Бүгін, 13:10

Трекер, камера, «ақылды» көлік: Депутат деректер қауіпсіздігіне алаңдаулы

Қоғам • Бүгін, 13:00

Барлық жаңалықтар