Менің билігімде шек жоқ : Трамп Иранмен соғыстың қорытындысын шығарды

АҚШ президенті Дональд Трамп The Show бағдарламасында Иранмен арадағы соғыстан кейін оның билігінде "шектеу жоқ" екенін мәлімдеді. Басылым Трамптың соғысты "сөзсіз тізе бүктіруді" талап етумен бастағанын, бірақ оны шектеулі өзара түсіністік туралы меморандуммен аяқтағанын еске салады, деп хабарлайды Axios-қа сілтеме жасаған Tengrinews.kz.

АҚШ президенті Дональд Трамп The Show бағдарламасында Иранмен арадағы соғыстан кейін оның билігінде "шектеу жоқ" екенін мәлімдеді. Басылым Трамптың соғысты "сөзсіз тізе бүктіруді" талап етумен бастағанын, бірақ оны шектеулі өзара түсіністік туралы меморандуммен аяқтағанын еске салады, деп хабарлайды Axios-қа сілтеме жасаған Tengrinews.kz.

Axios басылымының тілшісі Марк Капутоға берген сұхбатында Трамп бұл мәмілеге соғыстың жаһандық экономикалық депрессияға ұласуын болдырмау үшін барғанын мойындады.
Соған қарамастан, Трамп бұл тәжірибе оны сабасына түсіргенін жоққа шығарды. Соғыс кезінде не үйренгені және өз билігінің шегі туралы сұраққа ол: "Ешқандай шек жоқ", - деп жауап берді.

"Мен бұл сабақты әлі алған жоқпын. Олардың бар екенін білемін, бірақ ешқандай шектеулер жоқ", - деді ол.

Трамптың айтуынша, "оларды әскери тұрғыдан толық талқандаған", тіпті өзара түсіністік туралы меморандумның өзі "мүмкін, сөзсіз тізе бүктіру".

Трамп соғыстың Американың әскери қуатын іс жүзінде көрсеткенін алға тартады.

"Мұндай қоршауды тағы кім ұйымдастыра алар еді? Мен теңіз блокадасын орнаттым, ол арқылы бірде-бір кеме өте алмады. Кейбіреулер тырысып көрді. Бірақ бұл ұзаққа созылмады", - деді ол.

Сұхбат барысында Трамп мәміле жасаспаудың салдары апатты болуы мүмкін екенін мойындады.

Трампты сыншыларының Иранға неге соншалықты жұмсақтық танытқаны туралы сауалдары ашуландырды.

"Шараларды қатаңдатудың жалғыз жолы - ол жерде тағы екі-үш апта қалып, оларды ес жиғызбастай бомбалауды жалғастыру еді. Солай емес пе? Бірақ бұл бізге не береді? Ормуз бұғазы ашылмайды. Бізде айлап мұнай болмайды. Сіз бомба тастап жатқанда, бұл жүйе автоматты түрде жабылады. Ал бұл бүкіләлемдік депрессияға әкеп соғуы мүмкін", - деді ол.

Басылымның өз дереккөздеріне сілтеме жасап жазуынша, Трамп жеке әңгімелерінде әлемдік мұнай қорының таусыла бастағанына және бұғаз жабылған жағдайда жаһандық мұнай дағдарысы болуы мүмкін екеніне алаңдаушылық білдірген.

"Бұл Трамптың соғыс алдында уәде еткен максималистік мәмілеге емес, қол жеткізе алған мәмілесіне неліктен келіскенін түсіндіреді. Бірақ ол соғыс өз билігінің шегін емес, ауқымын көрсетті деп табандап тұрып алды", - деп жазады Axios.

Еске сала кетейік, АҚШ пен Иран арасында өзара түсіністік туралы меморандумға қол қойылғаннан кейін Ормуз бұғазы кемелер үшін ашылып, ал АҚШ Иранға қарсы орнатқан теңіз блокадасын тоқтатты.

Google News арқылы жаңалықтарымызды қадағалаңыз