Meta ның смарт көзілдіріктеріндегі бет әлпетті тану функциясына қарсылық жиіледі

Коалиция құрамына American Civil Liberties Union, Electronic Privacy Information Center, Access Now және басқа да ұйымдар кірген.

Олар Марк Цукерберг атына жолдаған үндеуде Name Tag деп аталатын функцияны әзірлеуді тоқтатуды талап етті. Бұл функция жасанды интеллект негізінде пайдаланушының көру аймағындағы адамдарды автоматты түрде тануға мүмкіндік береді.

Құқық қорғаушылардың айтуынша, мұндай технологиядан қорғану іс жүзінде мүмкін емес, өйткені қоғамдық орындарда кез келген адамды сканерлеуге болады.

Олар бұл функцияның ықтимал қауіптеріне назар аударып, оны қаскөйлер саяси белсенділерді, мемлекеттік қызметкерлерді және қарапайым азаматтарды аңду үшін пайдалануы мүмкін екенін атап өтті.

– Бұл технологияны қолданатын сталкерлер мен алаяқтар адамның тек аты-жөнін ғана емес, оның мекенжайын, отбасылық жағдайын, әлеуметтік желідегі парақшаларын, жұмыс орнын, табысын, хоббиін, денсаулық жағдайын және әдеттерін де оңай анықтай алады. Мұның өзі алаңдатарлық жағдай, – делінген мәлімдемеде.

Ұйымдар Meta компаниясына бет-әлпетті тану функцияларын енгізуден толық бас тартуды, сондай-ақ технологиялардың заңсыз қолданылу жағдайлары туралы ашық ақпарат беруді талап етті.

Сонымен қатар, құқық қорғаушылар биометриялық шешімдерді енгізер алдында тәуелсіз сарапшыларды тартуға шақырды.

Бұған дейін Meta жоғары сұранысқа байланысты Ray-Ban Display смарт көзілдіріктерін әлем бойынша сатуды уақытша тоқтатқан болатын. Бұл құрылғылар фото түсіруге, контентті тікелей эфирде таратуға және жасанды интеллект көмекшісімен өзара әрекеттесуге мүмкіндік береді.

Айта кетейік, сот Meta мен YouTube-ты жасөспірімге өтемақы төлеуге міндеттеді.