Миланда трамвай рельстен шығып кетіп, ғимаратқа соғылды: қаза тапқандар бар

27 ақпанда Виале Витторио Венето көшесінде №9 бағыттағы, Порта-Дженоваға бет алған трамвай басқаруды жоғалтып, жол жиегіндегі ғимаратқа соғылған. Салдарынан жаяу жүргіншілер зардап шегіп, дүкен сөресі қираған.

Құтқару қызметінің мәліметінше, екі адам қаза тапқан, шамамен 40 адам жарақат алған. Зардап шеккендердің бірі ауыр халде жатыр.

Милан прокуратурасы абайсызда адам өліміне әкеп соқтырды деген күдікпен тергеу бастады. Алдын ала мәлімет бойынша, апат жоғары жылдамдықтағы соқтығыс салдарынан болуы мүмкін.

Corriere della Sera басылымының жазуынша, апатқа ұшыраған трамвай – қалада бірнеше апта бұрын ғана қатынай бастаған жаңа Tramlink үлгісі. Қарастырылып жатқан нұсқалардың қатарында жүргізушінің кенеттен өзін жайсыз сезінуі немесе бағыттама тетігінің ақауы бар.

Айта кетейік, Италия Ryanair компаниясына 1 млрд еуроға дейін айыппұл салуы мүмкін.