Миллиардер Джефф Безостың компаниясына тиесілі New Glenn зымыраны Флоридадағы ұшу алаңында жарылды

Blue Origin компаниясының New Glenn мегазымыраны Флорида штатындағы Канаверал мүйісінде орналасқан ұшыру алаңындағы сынақ кезінде жарылып кетті. Бұл туралы Tech Crunch порталы хабарлады. Кейінірек Blue Origin компаниясы жарылыс болғанын растады, деп хабарлайды Tengrinews.kz.

Blue Origin компаниясының New Glenn мегазымыраны Флорида штатындағы Канаверал мүйісінде орналасқан ұшыру алаңындағы сынақ кезінде жарылып кетті. Бұл туралы Tech Crunch порталы хабарлады. Кейінірек Blue Origin компаниясы жарылыс болғанын растады, деп хабарлайды Tengrinews.kz.

Оқиға NASASpaceFlight.com және SpaceFlight Now сайттарының тікелей трансляциясы кезінде видеоға түсіп қалған.

Джефф Безостың ғарыш компаниясы Amazon Leo интернет-серіктерін ғарышқа жеткізуі тиіс жаңа зымыранның алдағы апталарға жоспарланған төртінші ұшырылымы алдында статикалық отты сынақтар жүргізіп жатқан болатын.

Қозғалтқыштар іске қосылғаннан кейін 30 минут өткен соң жойқын жарылыс болып, куәгерлер детонациядан кейінгі саңырауқұлақ тәрізді бұлтты көрген.

Blue Origin компаниясы оқиғадан кейін "барлық қызметкерлердің түгенделгенін" хабарлады. Компания нақты не болғанын ашып айтпай, тек "аномалия" болғанын мәлімдеді.

Басылымның жазуынша, бұл жарылыс Blue Origin компаниясына оқиғаның себептерін анықтағанға дейін New Glenn зымыран бағдарламасын ұзақ мерзімге тоқтата тұруға тура келетінін білдіруі мүмкін.

Blue Origin биыл New Glenn зымыранын 12 ретке дейін ұшыруды жоспарлаған болатын. Компания Илон Масқтың SpaceX-імен бәсекелесу мақсатында бұл зымыранды әзірлеуге он жылға жуық уақыт жұмсады.

Ұшыру алаңындағы бұл оқиға Blue Origin компаниясының New Glenn зымыраны тарихтағы үшінші ұшуын жасағаннан кейін бірнеше апта өткенде ғана болып отыр. Ол миссия да сәтсіз аяқталған болатын: New Glenn-нің жоғарғы сатысы AST SpaceMobile серігін орбитаға шығара алмай, миссия толықтай шығынға ұшыраған еді.

Өткен аптада ғана АҚШ-тың Федералдық авиация басқармасы Blue Origin апат себептерін тергеуді аяқтағаннан кейін New Glenn-ге қайта ұшуға рұқсат берген болатын.

Google News арқылы жаңалықтарымызды қадағалаңыз