Министр боп тағайындалған депутаттың орнына басқа адам келді

АСТАНА, 15 қазан – Sputnik. "Amanat" партиясының атынан мәжіліске келген жаңа депутат ант берді, деп хабарлайды Sputnik Қазақстан тілшісі.

Бұған дейін "Amanat" партиясының өкілі Жұлдыз Сүлейменова оқу-ағарту министрі болып тағайындалған. Ал оның орнына Әбутәліп Мүтәлі келді. Бүгін ол мәжілісте халық өкілдерінің алдында ант берді.

"Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, маған жүктелген депутаттың жоғары міндеттерін адал орындауға ант етемін", - деді Мүтәлі мәжілістің бүгінгі отырысында.

Жаңадан келген депутат экономикалық реформа және өңірлік даму комитетінің құрамына енді. Бірақ дауыс беру кезінде бір депутат қалыс қалды.