Министр жаңа МӨЗ салынуы мүмкін Қазақстанның төрт облысын атады

Энергетика министрі Ерлан Ақкенженов Қазақстандағы төртінші мұнай өңдеу зауыты (МӨЗ) салынуы мүмкін өңірлерді атады. Бұл туралы ол Үкіметте өткен брифингте мәлімдеді, - деп хабарлайды Tengrinews.kz тілшісі.

Министрдің айтуынша, жаңа зауыт Маңғыстау, Атырау, Ұлытау немесе Оңтүстік Қазақстан облыстарында салынуы мүмкін.

Құрылыс орнына қатысты түпкілікті шешім әлі қабылданған жоқ, дейді ол.

Бұған дейін Ақкенженов журналистерге 2026 жылы төртінші мұнай өңдеу зауыты құрылысын күтудің қажеті жоқ екенін айтқан болатын.

"Бұл өте ұзақ процесс. Біз 10 миллион тоннаға дейінгі қуаттылық туралы айтып отырмыз. Шымкент мұнай өңдеу зауытын кеңейтумен салыстырсақ, жобалық құжаттарды дайындау шамамен екі жылға созылады, сондықтан бұл процесс әлі біраз уақытты алады", - деді ол Ақорда кулуарында.

Құрылыстың 2027–2028 жылдары басталу мүмкіндігі туралы нақтылаушы сұраққа Ақкенженов былай деп жауап берді: "Меніңше, солай болады".

Google News арқылы жаңалықтарымызды қадағалаңыз