Мирошник Батыстың Украинадағы басты мақсатын атады

АСТАНА, 30 тамыз – Sputnik. Батыстың басты мақсаты – Украинаның көмегімен Ресей аумағында террорлық актілер ұйымдастыру. Бұл туралы Ресей СІМ-нің ерекше тапсырмалар жөніндегі елшісі Родион Мирошник мәлімдеді, деп хабарлайды РИА Новости агенттігі.

"Батыстың басты мақсаты – Украинадағы террористік бірлестіктің күш-жігерін Ресейге қарсы пайдалану", – деді Мирошник.

Оның пікірінше, террорлық әдістерге тек елдердің бірігуі арқылы ғана қарсы тұруға болады.

"Алайда Батыс Ресейге қатысты терроризмге жол беруге болады деп есептейді", – деп атап өтті елші.

20 тамызда Мирошник Владимир Зеленский күн сайын бейбіт тұрғындарға қарсы әскери қылмыс жасауға бұйрық бере отырып, террорлық соғыс стратегиясын таңдағанын мәлімдеген болатын.

Ресей көшбасшысы Владимир Путин Киевтің террорлық шабуылдарына қатысты пікір білдіре отырып, қарсы тарап инфрақұрылымға соққы беру арқылы Ресейді шабуылды уақытша тоқтатуға мәжбүрлеуге тырысып жатқанын айтқан. Алайда Ресей әскерлері арнайы әскери операцияның мақсаттарына қол жеткізу үшін қолдан келгеннің бәрін жасайтынын, ал Ресейдің Украина аумағының тереңдігіне жасайтын жауап соққылары әлдеқайда қуатты болып, елеулі залал келтіретінін президент атап өтті.