Небәрі 27 жаста : Қазақстандағы ең жас әкім Маңғыстау облысында қызмет етеді

28 қарашада Астанада Мемлекет басшысының қатысуымен алғашқы ауыл әкімінің диалог-платформасы өтті, – деп хабарлайды Aikyn.kz сайты. 

Жиынға Маңғыстау облысындағы ауылдық округтердің 34 әкімі қатысты. Оның ішінде Қазақстандағы ең жас әкім 27 жастағы Сағынжан Тұрақбаев та бар.

Сағынжан Тұрақбаев Маңғыстау облысындағы Шебір ауылдық округін басқарады. Ол 2024 жылдың наурыз айында тұрғындардың тікелей дауыс беруі арқылы әкім болып сайланды. Жас болғанына қарамастан, өзіне жүктелген жауапкершіліктің мәнін түсінеді.

“Тек жас болғандықтан, әлсіз болуға болмайды. Барлық істе жауапкершілік маңызды. Тұрғындар бізге өз ауылдарын дамытуды сеніп тапсырды. Сондықтан үйлесімді жұмыс істейміз және олардың үміттерін ақтауға тырысамыз”, – деді елдің ең жас әкімі.

Айта кетейік, Қасым-Жомарт Тоқаев 28 қарашада ауыл әкімдеріне арналған диалог-платформасында сөз сөйлеп, ауыл әкімдері бірыңғай ақпараттық жүйені пайдаланып тұрғындардың мәселелерін оңай бақылай алатынын айтты.