Маңғыстау облысында әскери бөлімдер жас сарбаздармен толықты

Маңғыстау облысына Отан алдындағы борышын өтеуге барған 700-ден астам сарбаз ант берді. Салтанатты шараға жас жауынгерлердің жақындары арнайы шақырылды. 

Ант қабылдау рәсімінен соң сарбаздар саптық даярлық, атыс қаруымен қоян-қолтық ұрыс, әуе қарсыласының шабуылына тойтарыс беру тәсілдерін көрсетті. Алдағы уақытта олар «Жас мамандар» бағдарламасы аясында артиллерист, танкші, атқыш, барлаушы-байланысшы секілді мамандықтарды меңгереді. Қазақ әскеріне жуырда қабылданған жастар теңіз жаяу әскері бригадасы мен Бейнеудегі барлау полкінде мерзімді әскери қызмет атқарады. 

Ратбек Қуатбекұлы, 25744 әскери бөлімі батальон командирінің орынбасары:

- Жас сарбаздар бір айдың ішінде алғашқы әскери және атыс дайындығы сабақтарын өтті. Олар әскери өмірге толық дайын. Сенбі-жексенбі күндері қалалық сейілдемеге шығып, дүйсенбі күнінен бастап толық өздерінің міндетіне кірісетін болады.