Негізгі капиталға салынған инвестиция көлемі 9,6% ға ұлғайды

АСТАНА, 15 шілде – Sputnik. Қазақстанда бірінші жартыжылдықта негізгі капиталға салынған инвестиция көлемі 9,6%-ға ұлғайды, деп хабарлады үкіметтің баспасөз қызметі.

Жалпы инвестициялар құрылымындағы жеке капиталдың үлесі 87%-ға жетті.

"Инвестициялық белсенділік әсіресе ақпарат және байланыс саласында жоғары қарқынмен өсіп жатыр. Бұл бағытқа тартылған инвестициялар көлемі 2,3 есеге артты. Сондай-ақ құрылыс саласы (+38,7%), өңдеу өнеркәсібі (+33,3%), ауыл шаруашылығы (+24,6%) және көлік саласында (+11,6%) өсім тіркелді", - деп жазылған хабарламада.

Ішкі сауда саласында да жоғары көрсеткіштер тіркелді. І жартыжылдықта оның көлемі 15,3%-ға артып, 36,2 трлн теңгеге жетті.

"Көтерме сауда 6,6%-ға, бөлшек сауда 3,8%-ға өсті. Оң үрдіс сыртқы сауда бағытымен де нығайтылды: қаңтар-мамыр айларында республиканың тауар айналымы $56,3 млрд-ты құрады, ал импорт $26 млрд-қа жетті. Соның нәтижесінде $4,4 млрд-тан асатын тұрақты оң сауда балансы сақталды", - дейді мамандар.