Олжас Бектенов әкімдерге инвестициялық штабтар жұмысын күшейтуді тапсырды

Бүгін Үкімет отырысында Олжас Бектенов мемлекеттік органдар мен әкімдіктердің инвестиция тарту бойынша жүргізіп жатқан жұмыстарына назар аударды, деп жазады Egemen.kz.

Фото: ingos.ru

Осы жылдың 9 айының қорытындысы бойынша инвестиция тарту жоспары 93,3%-ға орындалған. Бұл ретте 20 өңірдің ішінде тек 11 өңір ғана нысаналы көрсеткішке қол жеткізген.

«Инвестицияларды қолдаудың қолда бар тетіктеріне қарамастан, 9 өңір жоспарлы көрсеткіштерді орындай алмады. Бұл жағдай әкімдер төрағалық ететін Өңірлік инвестициялық штабтар жұмысында олқылықтардың барын көрсетеді.

Әр жобаға басынан аяғына дейін жеке қолдау көрсету және олардың уақтылы жүзеге асырылуын қамтамасыз ету – аса маңызды міндет.

Сыртқы істер министрлігіне, салалық министрліктер мен әкімдіктерге инвестициялық жобалар тарту және қолдау жұмысын күшейтуді тапсырамын», деді Премьер-министр.