Оманда түйелер байқауынан 20 жануар шеттетілді

Daily Mail басылымының жазуынша, байқау ветеринарлары жануарлардың сырт келбетіне жасанды өзгерістер енгізілгенін анықтаған. Осыған байланысты аталған түйелердің шоуға әрі қарай қатысуына тыйым салынды.

Парсы шығанағы елдерінде түйе сұлулығы байқаулары мәдени және тарихи мұраны айшықтайтын маңызды шара саналады. Аймақтағы түйе фестивальдерінің жүлде қоры ондаған миллион долларға дейін жетуі мүмкін.

Бұған дейін Сауд Арабиясында түйелерге арнайы паспорт енгізу жоспарланып отырғаны хабарланған еді.

Еске сала кетейік, 2025 жылғы қыркүйекте Қазақстанда «Әлемдегі ең үлкен түйе керуені» атты бірегей мәдени іс-шара өтіп, әлемдік рекорд орнатуға талпыныс жасалды.