Орманды әуеден бақылау күшейтілді

Шығыс Қазақстан облысында әуеден патрульдеу шаралары күшейтілді.

Өңірдің орман алқаптарында тікұшақтар кезекшілік жасап, қылқанжапырақты орманның сақталуын бақылауға алды. Мамандардың айтуынша, акция ай соңына дейін жалғасады. Жедел топтар орман шаруашылықтарына жақын тасжолдарда көлік қозғалысын және заңсыз ағаш кесу қаупі бар аумақтарды қадағалайды. Бір күн ішінде авиациялық топтар мың шақырымнан астам қашықтықты еңсеріп, 5-6 аудан аумағын айналып шығады. Сонымен қатар қорықтар мен табиғи резерваттарға кіреберістерде блокпосттар қойылып, көліктерге тексеріс жүргізіледі. Айта кетейік, обылытағы орман қорының жалпы аумағы 3,5 миллион гектардан асады.   

Әсет Қизатов, ПД аға инспекторы:

- Ағымдағы жылдың 15-31 желтоқсан аралығында Шығыс Қазақстан облысы полиция департаменті табиғатты қорғау органдарымен бірлесіп, жас қылқан жапырақтар ағашатарының заңсыз айналымының жолын кесуге жәрдемдесу мақсатында Шығыс Қазақстан облысы аумағында ағаштарды заңсыз кесу, дайындау, тасымалдау және өткізу, оның ішінде жас ағаштарды ұрлау фактілерді анықтау және жолын кесуге бағытталған «шырша» жедел-профилактикалық іс-шарасы жүргізілуде.