Орта дәліз Еуропарламентте талқыланды

24.KZ парақшасынан алынған деректерге сүйене отырып, Qazaq24.com мәлімдеме жасады..

Еуропалық парламентте Орталық Азия мен Кәрі құрлық арасындағы көлік байланысының даму стратегиясы талқыланды, деп хабарлайды 24KZ. Дөңгелек үстелге Қазақстан мен Еуропарламент депутаттары, мемлекеттік органдар өкілдері, сарапшылар мен талдаушылар қатысты.

Басқосуда Орта дәліз бен Транскаспий халықаралық көлік бағдарының жаһандық логистикадағы маңызы сөз болды. Шығыс – Батыс бағытындағы құрлық жолдары арқылы жүк тасымалының 85%-тен астамы біздің ел арқылы өтеді. Соңғы 10 жылда Қазақстан көлік инфрақұрылымына 35 млрд доллар инвестиция салған. 2030 жылға дейін оған тағы 15 млрд доллар құю жоспарланып отыр. Қазақстан тарапы Оңтүстік Кавказдағы оң өзгерістер аймақтағы ынтымақтастықты арттырып, жаңа мүмкіндіктерге жол ашатынына да назар аударды.

Айгүл Құспан, ҚР Парламенті Мәжілісінің депутаты:

- Оңтүстік Кавказды осы жобаға тарту күрделі өңірде бейбітшіліктің орнауына кепіл болмақ. Орталық Азия мен Әзербайжанға да берер пайдасы көп. Қазақстанның бұл бағытта атқарған жұмыстары туралы айтып беруге тырыстым.

Ильхан Кучук, Еуропарламент депутаты:

- Бүгінде қарым-қатынасымызды бұрын-соңды болмаған деңгейге көтеру қажет. Өйткені қазіргі геосаяси жағдай күрделі. Қос тараптың мүддесі үшін сын-қатерлерге бірге жауап беру маңызды.

Альберто Тюркстра, «Diplomatic World» журналының жобалар директоры:

- Қазақстан көлік пен теміржол инфрақұрылымын, сондай-ақ Каспийдегі екі портты жаңғыртуға белсенді инвестиция салып жатыр. Орта дәлізді дамытуда да көшбасшылық танытып келеді. Енді Еуроодаққа өз міндеттемелерін жылдам жүзеге асыру керек.

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.