Орталық Азия Мәдениет министрлерінің кездесуі өтті

Бүгін Ташкентте Орталық Азия мен Әзірбайжан мәдениет министрлерінің алғашқы кездесуі өтті. Ведомство басшылары саладағы өзара ынтымақтастық байланыстарды пысықтап, алдағы жоспарлар бойынша пікір алмасты.

Қазақстанның Мәдениет және ақпарат министрі Аида Балаева бауырлас мемлекеттер арасындағы мәдени күндер бастамасын дәстүрге айналдырып, ортақ іс-шаралар кестесін енгізуді ұсынды. Сондай-ақ архив ісі бойынша да өзара тәжірибе алмасу маңызды деді. 

Орталық Азия мәдениет министрлерін Өзбекстанның сала басшысы жеке-жеке қарсы алып, құрмет көрсетті. Бауырлас елдер арасында соңғы жылдары барлық салада ынтымақтастық артып, байланыстар бекемдей түскен. Руханиятта да оң өзгерістер байқалады. Қазақстанның Мәдениет және ақпарат министрі Аида Балаева алдағы уақытта мәдени іс-шараларды арнайы кестеге енгізіп, ортақ жоспар құруды ұсынды. Бұл барымызды түгендеп, тарихи оқиғаларға әділ баға беруге мүмкіндік береді.  

Аида Балаева, ҚР Мәдениет және ақпарат министрі:

- Жыл сайын кем дегенде 3 рет аймақаралық гастрольдер, екі көрме және архивтегі киноларды цифрландырып, бір кинокөрсетілім өткізуді ұсынамын. Сондай-ақ Орталық Азия елдері арасында мұрағат құжаттарының көшірмесімен бөлісу өте маңызды. Бұл ғылыми, тарихи және әдеби салаға қатысты. Біз өз тарапымыздан бар ақпаратпен бөлісуге дайынбыз.

Мұндай тәжірибе алмасулар көрші елдер арасындағы тарихи, мәдени байланыстарды бекемдеп, ортақ тұлғаларға қатысты деректерді түзеудің таптырмас жолы. Министрлер соңғы уақытта әлеуметтік желіде өткен тарихқа қатысты жалған ақпарат тарататындар жайында да сөз қозғады. Ведомства басшылары оған тосқауыл қоюдың жалғыз амалы, ғылыми негізге сүйеніп, архив материалдарымен жұмыс істеу - деді. Ал  жиынға құрметті қонақ ретінде қатыстқан Әзербайжан Мәдениет министрі қиын қыстау кезеңде қолдау көрсеткен, бауырлас елдерге алғысын айтты. 

Адиль Каримли, Әзербайжан Мәдениет министрі: 

- Қазақстан елі «Құрманғазы» атындағы балалар өнер мектебін салып берді. Қырғызстан орта мектеп, Түрікменстан Физулы қаласында мешіт салып жатыр. Бұл халықтар арасындағы нағыз бауырластықтың белгісі дер едім. Нысандар мәдениетті насихаттайтын болады.

Қазақстан тарапы Орталық Азияның мәдени саласында ортақ цифрлық платформа құруды ұсынды. Кретивті индустрияда қолөнер шеберлері мен дизайнерлер жасаған еңбектерінің жемісін көре алады. Жиын қортындысы бойынша арнайы протоколға қол қойылды.