Пара спортшылар туралы фильм түсіріліп жатыр

24.KZ парақшасынан алынған деректерге сүйене отырып, Qazaq24.com жаңалық жариялайды..

«Ерекше» - елімізде бочча паралимпиадалық спорты туралы алғашқы отандық фильмнің түсірілімі басталды. Картинаны Қазақстан Бочча федерациясының қолдауымен Tiger Films продюсерлік компаниясы жарыққа шығарады.

Бас демеуші Kinopark Group компаниясының PR-директоры Ерлан Бұхарбаевтың айтуынша, одан түскен қаржы федерацияға аударылады. Фильмнің жанры - комедия. Жаңа туынды Астана, Ақтау, Алматы сияқты үш қалада түсіріліп жатыр.

Фильм желісі Арман есімді жас жігіттің төңірегінде өрбиді. Ол бұған дейін жеңіл жолмен өмір сүріп келген. Онда зәулім үй, қымбат көлік дейсіз ба барлығы бар. Кез келген нәрсеге оңай қол жеткізеді. Бірде оны мас күйінде көлік айдап, мемлекеттің мүлігіне зиян келтіргені үшін спорт кешеніне қоғамдық жұмысқа жібереді. Ол сонда жүріп мүгедек болып қалған інісіне көмектесіп жүрген Әйгеріммен танысады. Бойжеткеннің інісі болса, бочча спортымен айналысады. Ерекше жандардың өмірге деген құштарлығы Арманды жақсы жаққа өзгертеді.

Нұргүл Ұлжекова , Қазақстан Бочча федерациясының бас хатшысы:

- Актерлер да бар күшімен режиссер, сценарийстер де қосылып біздің паралимпиадалық спорт түрін ерекшелігіне дейін зерттеп сол жағынан жарысты да көрсетіп жатыр. Шынайы түрде фильм түсіру үшін параспортшыларымызды шақырып жатыр.

Қазақстан Бочча федерациясы 2021 жылы құрылған. Қазіргі уақытта тірек қимылы зақымданғанған адамдарға арналған спорт түрімен 250-ден астам спортшы шұғылданады. Ұлттық құрамадағылар саны 50-ге жуықтаған. Бірі Итиана Шингисханова. Танымал актерлармен бірге ол да киноға шақырту алды.

Итиана Шингисханова, боччадан спорт шебері:

- Менің боччамен айналысып келе жатқаныма бес жыл болдым. Бұл спорт түріне кездейсоқ келдім десе де болады. Алайда оған өкінбеймін. Өзіме қатты ұнайды, Талай жарыста жүлдегер болып жүрмін. Міне біз туралы фильм түсіріп жатыр. Сүре білген адамға өмір тамаша.

«Ерекше» фильмі дәл осындай қиындыққа мойымайтын, рухы биік жандарды насихаттайды. Жаңа туынды үлкен экранға келесі жылдың наурыз айында шығады.

Авторлары: Қарлығаш Қайыпбекова, Кенже Амраев

Оқиғаларды жіберіп алмау үшін Qazaq24.com сайтынан ең өзекті жаңалықтарды қарап отырыңыз.