Пентагон мен Anthropic тің жасанды интелектіні қолдану бойынша пікірлері кереғар

Желтоқсан айында Anthropic компаниясы Пентагонға өздерінің жасанды интеллект жүйелерін зымыранға қарсы қорғаныс пен киберқауіпсіздік саласында қолдануға келісім берген болатын.

Алайда сейсенбі күні АҚШ қорғаныс министрі Пит Хегсет компанияның бас директоры Дарио Амодейге қатаң шарт қойды: жұмаға дейін жасанды интеллект технологиясын барлық заңды әскери мақсатта қолдануға рұқсат беруі тиіс, өйтпегенде компанияға қорғаныс саласындағы келісімшарттарға қатысуға тыйым салынуы мүмкін.

Даудың түп-төркіні — Anthropic-тің өз өнімдерін ел ішінде жаппай бақылау жүргізуге немесе автономды өлім әкелетін қару жүйелерінде пайдалануға тыйым салатын қатаң қағидаларды ұстануы.

Пентагон басшылығы қажет болған жағдайда компанияны талапқа көндіру үшін Қорғаныс өндірісі туралы заңды қолдануы мүмкін екенін мәлімдеді. Бұл заң президентке ұлттық қауіпсіздікке тікелей қатысты маңызды мәселелерде америкалық компаниялардың қызметін бақылауға мүмкіндік береді.

Anthropic — жасанды интеллект саласында жұмыс істейтін төрт ірі компанияның бірі. Олардың қатарында OpenAI, Google DeepMind және xAI бар. Аталған компаниялар шілде айында АҚШ ұлттық қауіпсіздігін нығайтуға бағытталған озық жасанды интеллект мүмкіндіктерінің прототиптерін әзірлеу үшін жалпы сомасы 200 миллион долларға дейінгі келісімшарттарға ие болған.

Бұған дейін Қытайдың адам бейнесіндегі роботтары әлемдік нарықты жаулай бастағаны туралы жаздық.