Перу парламенті президентке импичмент жариялады

Отырыс парламенттің YouTube-арнасынан көрсетілді.

Шешім бірауыздан қабылданды.

— Республика президентін қызметінен шеттету туралы қаулы мақұлданды, — деп мәлімдеді билікте мұрагерлікке кезекте тұрған Конгресс төрағасы Хосе Хери.

9 қазанда Перу Конгресі Болуартеге «моральдық қабілетсіздігіне» байланысты президент қызметінде импичмент жариялау туралы төрт ұсынысты қарады. Бастама авторлары мемлекет басшысын қылмысқа қарсы күресте саясатын жүзеге асырмады деп айыптады. Болуарте Конгресс отырысына келген жоқ. 

Соңғы жылдары Перудегі қауіпсіздік саласындағы жағдай айтарлықтай нашарлады. Наурызда қылмыстың өсуіне байланысты парламент елдің ішкі істер министрі Хуан Хосе Сантиваньеске сенімсіздік вотумын білдірді. Мамыр айында премьер-министр Густаво Адриансен қауіпсіздік дағдарысына байланысты отставкаға кетті.

CPI компаниясының қыркүйекте жарияланған сауалнамасына сәйкес, мандаты 2026 жылы аяқталатын Болуартенің президент ретіндегі жұмысын респонденттердің тек 2,5%-ы мақұлдаған.

Болуарте соңғы бес жылда импичмент жарияланған Перудің үшінші президенті болды. Ол 2021 жылғы сайлауға бірге қатысқан Педро Кастильо өкілеттігінен айырылғаннан кейін 2022 жылдың желтоқсанында жоғары лауазымға келді. 2020 жылдың қарашасында бұрынғы президент Педро Кучински 2018 жылы наурызда оған импичмент жариялануына байланысты отставкаға кеткеннен кейін президенттік қызметке кіріскен Мартин Вискарра қызметінен босатылды.

Бұған дейін Перу соты экс-президент Мартин Вискарраны пара алды деген айыппен бес айға түрмеге қамау туралы үкім шығарғанын жазған едік. 

Ал Франция президенті Макронға қарсы импичмент бастамасы алғашқы кезеңде-ақ қабылданбады. 

Kazinform үшін ТАСС серіктес агенттігі ұсынған.