Песков Ресей мен АҚШ президенттері телефон арқылы қашан сөйлесетінін айтты

АСТАНА, 13 қазан - Sputnik. Ресей мен АҚШ президенттері Владимир Путин мен Дональд Трамптың телефон арқылы сөйлесуі келісімге қол жеткізілген бойда болады, деп хабарлады РФ президентінің баспасөз хатшысы Дмитрий Песков.

Бұған дейін Трамп журналистерге Путинмен Украинаға Tomahawk зымырандарын жеткізу мәселесін талқылай алатынын айтқан. АҚШ президентінің айтуынша, егер Украина қақтығысы шешілмесе, Вашингтон Украина қарулы күштерін зымыранмен қамтамасыз етуі мүмкін.

"Телефонмен сөйлесуге қатысты әлі нақты келісімдер жоқ. Келісімге қол жеткізілген бойда әңгіме болады", - деді Песков.

Ол жедел түрде телефон арқылы сөйлесу ұйымдастыру үшін барлық мүмкіндік бар екенін айтты.

Бұған дейін Дональд Трамп Ресей президенті Владимир Путиннің Украинадағы қақтығысты реттейтініне сенім білдіріген болатын.