Президент Трамп McDonald s те гамбургер таратты

Quartz сайтына сүйенген Aikyn.kz жылдам тамақтану желісінің мәзірінен президенттің өзгерткісі келетін элементін түсіндіреді.

2024 жылғы сайлауалды науқаны кезінде Дональд Трамп біршама уақыт McDonald's-тың тапсырыс беру терезесінде жұмыс істеген болатын. Компания бұл әрекетті ресми сипатта емес екенін дереу мәлімдеді. Соған қарамастан, Трамп осы желіге деген адалдығы мен сайлаушыларға жақын екенін көрсетті. Тіпті, мәзірдің бір элементін өзгерткісі келетінін де айтқан.

17-19 қарашада Вашингтонда өткен McDonald's Impact Summit саммитінде сөйлеген сөзінде Трамп Filet-O-Fish сэндвичіне өзгеріс енгізуді ұсынды.

«Маған балық ұнайды. Шынымен. Сіздер соус тартарды аздап көбірек қоса аласыздар ма, өтінемін?», – деді президент. 

Әрине, президент қосымша соус сұраса, оған басқа қонақтар сияқты қосымша соус берер еді. Бірақ Трамптың айтуынша, «артық сұрағанды ұнатпайды». Өзін сыйлайтын, өзіне сенімді, нағыз бизнесменге тән қасиет емес пе?!

Конструктивті сыни ескертуіне қарамастан, Трамп бұл желіні ерекше жақсы көретінін жасырмайды. АҚШ Денсаулық сақтау және әлеуметтік қызметтер министрі Роберт Ф. Кеннеди-кішіге Биг Мак жеуге өзі ықпал еткенін айтады. Ол сондай-ақ Биг Мак пен Quarter Pounder гамбургерлері оның президенттік ұшағында ең жиі ұсынылатын тағам екенін атап өткен.

«Мен сіздердің тарихтарыңыздағы ең адал клиенттердің бірімін. Басқа саясаткерлер өздерінің сайлауалды ұшақтарында қымбат тағамдар тасып жүреді. Ал Трамп өзінің жеке «Trump Борт нөмірі бірінші» ұшағына мінген кезде, кейінірек шынайы президенттік Air Force One-ға ауысқанша, біз көбіне тек McDonald's тағамдарын ғана ұсынатынбыз», – дейді Трамп.

Америкада McDonald's-тың негізгі өнімдері саналатын тауық еті, бекон, сиыр фаршы және апельсин шырыны бүгінде былтырмен салыстырғанда қымбат. Бұл жолы Трамп бағалардың төмендеуі туралы айтпаса да, McDonald's-тың мәзір бағасын төмендеткенін мақтады. 2024 жылы компания тұтынушылардың «бағалар тым өсіп кетті» деген шағымдарына жауап ретінде осындай қорғаныштық қадам жасауға мәжбүр болған. Клиенттер 8 долларлық тауық сэндвичтері мен 18 долларлық Биг Мак бағаларына наразы болып, «макфляция» деген термин пайда болды.

McDonald's бас директоры Джо Эрлингер бұл мәселеге ашық хатпен жауап берді. Ол әлеуметтік желідегі «вирусқа айналған жазбалар мен дәлелсіз айыптауларды» шындыққа жанаспайтынын мәлімдеген. Компания өнімдерінің бағасы инфляция деңгейінен әлдеқайда жоғары болып өсті деген пікірмен келіспеген.

Әрине, АҚШ президентінің Filet-O-Fish жақсарту ұсынысы – жай ғана мізірдің мәселесі емес. McDonald's Трампқа «қарапайым халықпен байланыс» символы ретінде қызмет етеді. Ал танымал фаст-фуд желісінің бағалары туралы пікірталастар америкалық нарықтағы инфляция мәселесінің саяси мәнін де көрсетіп отыр. 

Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.