Прокуратура мен ҚМА ның бұрынғы қызметкері Karabatan Utility Solutions ЖШС н басқарады

«Karabatan Utility Solutions» (KUS) ЖШС Басқарма төрағасы болып Ренат Нүкежанов тағайындалды. Жаңа кадрлық шешім туралы 14 сәуірде белгілі болды, деп хабарлайды Petrocouncil.kz.

Ренат Нүкежановтың екі жоғары білімі бар: 2010 жылы әл-Фараби атындағы ҚазҰУ-ды «Экономика және бизнес» мамандығы бойынша бітірсе, 2012 жылы Абай атындағы ҚазҰПУ-да заңгер дипломын алған.

Еңбек жолы құқық қорғау органдары мен квазимемлекеттік секторды қамтиды:

2018–2019 жылдары: Алматы қаласы прокуратурасында басқарма бастығының орынбасары;

2019 жылы: Талдықорған қаласы әкімінің кеңесшісі;

2021–2023 жылдары: Алматы облысы бойынша Экономикалық тергеу департаментінде (Қаржылық мониторинг агенттігі) қызмет атқарды;

2023–2024 жылдары: «Samruk-Kazyna Ondeu» ЖШС-де департамент директоры.

2024 жылдың ақпан айынан бастап ол активтерді басқару жөніндегі басқарушы директор қызметін атқарды, ал сол жылдың сәуір айында «Samruk-Kazyna Ondeu» ЖШС Басқарма құрамына кірді.

Анықтама: «Karabatan Utility Solutions» ЖШС — «Samruk-Kazyna Ondeu» ЖШС-нің еншілес ұйымы. Компания Атырау облысындағы «Ұлттық индустриялық мұнай-химия технопаркі» арнайы экономикалық аймағындағы инфрақұрылымдық нысандардың операторы болып табылады.

Бүгін, 11:39