Протезбен жүре бастады: Автобус апатының кесірінен екі аяғынан айырылған Алуаның жағдайы айтылды

Астанада автобус апатының кесірінен екі аяғынан айырылған Алуа протезбен алғаш рет жүре бастады, - деп хабарлайды Аikyn.kz сайты. Алуаның қалпына келу сәттерін оғалту орталығының ресми Instagram парақшасында жарияланды.

Олардың мәліметінше, 8 жасар Алуа Бекен алғаш рет протезбен жүріп үйреніп жатыр. Қыз қазір оңалту курсынан өтіп, қайта жүру дағдыларын қалыптастыруда. А

Бейнежазбада кішкентай қыз ересектердің көмегімен протезге тұрып, алғашқы бірнеше қадам жасаған сәті көрсетілген. Жазба «жаттығу» деген сөзбен сипатталған.

Желі қолданушылары мен туыстары Алуаның қайсарлығына тәнті болып, оны қолдап «дәрігерлерге, отбасысына және көмектескен барша адамға алғыс. Бұл — үлкен ерліктің кішкентай жеңісі» деп жазды желідегілер.

Еске салайық, Алуаның апатқа түсуі 2 маусым күні болған. Жарақатының көптігінен оның екі аяғын ампутацияланды. Қазір Алуа біртіндеп қалпына келіп, жаңа өмірге бейімделіп келеді.