Қайрат Реал матчінің ұймдастырылуы нашар болғаны айтылды Спорт порталы

Белгілі журналист әрі блогер Севастиан Терлецкий Vesti.kz тілшісіне берген сұхбатында Чемпиондар лигасындағы "Қайрат" пен "Реал" арасындағы матчтан алған әсерімен бөлісті.

Терлецкий жанкүйерлер арасындағы бірлікті ерекше атап өтті, бірақ матчты ұйымдастыру деңгейінен шок алғанын жасырмады.

"Соңғы екі күнде мұнда болған жағдай – жақсы мағынасындағы ақылға сыймайтын оқиға, дәл осындай сәттер үшін біз Чемпиондар лигасын жақсы көреміз.

Бірақ стадионға кіру кезіндегі жағдай мені қатты ренжітті – бұл нағыз сұмдық. Мұндай қысым мен нөпірді алғаш рет көріп отырмын. Шынымды айтайын, менде видео бар – балаларды қолмен көтеріп, өткізіп жатыр, себебі оларды таптап кетпеу үшін. Бұл ойын басталғанға үш сағат қалғанда болды. Шынымен ешкім бұл жерде осындай дүрлікпе болатынын күтпеді ме? Бұл өте таңқаларлық жағдай.

Бірақ атмосфера өте керемет болды, тіпті маған стадионда 24 мыңнан да көп адам болғандай көрінді. Жалпы ұйымдастыру жағы маған ұнаған жоқ. Бірақ атмосфера, энергетика, адамдар жағынан – бұл өте тамаша!

Және тағы бір миф бар – Қазақстанда тек "Реал" мен "Барсаға" жанкүйер болады дейді, бірақ, мен өз көзіммен көрдім: бәрі "Қайратты" қолдап, жан-тәнімен жанкүйер болды. Бұл - нағыз бірлік!", - деді Терлецкий.

Vesti.kz сайтын осы әлеуметтік желілерінде оқыңыздар

@vestisport @vestikzsport

Vesti-де Tik Tok та бар @vestikzsport