Қазақфильм : Полиция капитаны Ғазиз Байтасовтың ерлігі туралы фильм көрерменге жол тартады

Фильм шынайы оқиға желісіне негізделіп түсірілген. Кинотуындыға 2011 жылы Тараз қаласында қызметтік борышын атқару кезінде қаза тапқан полиция капитаны Ғазиз Байтасовтың ерлігі арқау болған.

Картинаны Қазақстан Республикасының Мәдениет және ақпарат министрлігінің тапсырысы бойынша және Ұлттық киноны қолдау мемлекеттік орталығының қолдауымен түсірілген.

Көркем фильмнің премьерасы 23 қазанда өтеді. Онда басты рөлдерді Азамат Сатыбалды, Еркебұлан Дайыров, Асан Мәжит, Дархан Сүлейменов және Қобыланды Болат сомдайды.

Еске сала кетейік, жыл басынан бері 60 отандық фильм (оның ішінде 10 ұлттық фильм), 200-ден астам шетелдік фильм кинопрокатқа шыққанын жазған болатынбыз.