Қазақстанда микрокредит ұйымының лицензиясы қайтарылды

Қаржы нарығын реттеу және дамыту агенттігі Batys Kapital микрокредиттік ұйымының лицензиясын қайтарып алды.
Агенттіктің баспасөз қызметінің хабарлауынша, компания Қазақстан Республикасының заңнамасын, сондай-ақ уәкілетті орган мен Ұлттық банктің нормативтік-құқықтық актілерін жүйелі түрде бұзған.

Қолданыстағы заңнамаға сәйкес, лицензиясы қайтарылған микро кредиттік ұйым 30 күн ішінде қайта тіркелуі тиіс. Яғни, атауынан «микрокредиттік ұйым» және микрокредит беру қызметін білдіретін барлық туынды сөздерді алып тастау қажет. Сонымен қатар, бизнесін қайта ұйымдастыру немесе жабу шешімін қабылдауға болады.

Қаржы нарығын реттеу және дамыту агенттігі таратқан хабарламада: «Микрокредиттік ұйым лицензиясынан айырылуы қарыз алушыларды өз міндеттерін толық әрі уақытылы орындаудан босатпайды» делінген.

Осылайша, Batys Kapital клиенттері, егер төленбеген микрокредиттері болса, келісімшарт бойынша барлық міндеттемелерін белгіленген мерзімде орындауды жалғастыруға тиіс. Қарызды уақытында өтеу жауапкершілігі келісімшарт талаптарына сәйкес сақталады.