Қазақстанда ҰБТ ны қайта тапсыруға тыйым салынбақ

Қазақстанда Ұлттық бірыңғай тестілеуді қайта тапсыруға тыйым салынады. Бұл туралы премьер-министрдің орынбасары – мәдениет және ақпарат министрі Аида Балаева айтты, деп хабарлайды Tengri Education үкіметтің баспасөз қызметіне сілтеме жасап.

Қазақстанда Ұлттық бірыңғай тестілеуді қайта тапсыруға тыйым салынады. Бұл туралы премьер-министрдің орынбасары – мәдениет және ақпарат министрі Аида Балаева айтты, деп хабарлайды Tengri Education үкіметтің баспасөз қызметіне сілтеме жасап.

Балаеваның айтуынша, ҰБТ-ны бірнеше рет тапсыру жүйесі талапкерлерді сапалы іріктеу мәселесін толық шешпейді. Осыған байланысты тестілеуді тұтастай жаңғыртып, оны бір рет тапсыратындай етіп бекіту қажет. "Бұл грант конкурсына қатысу үшін объективті әрі ең басты баға ретінде қарастырылуы тиіс".

"Бұл ретте білім деңгейін өзін-өзі бағалау және дайындық әдістерін уақытылы түзету үшін сынақ тестілеу жүйесі сақталады", - делінген таратылған мәлімдемеде.

Министр ҰБТ жүйесін өзгертуді тестілеуден бас тарту емес, "дарынды талапкерлерді анықтауға, әділ іріктеуге бағытталған маңызды қадам" деп атады.

Бұған дейін Қазақстанда шетелде мойындалатын және ҰБТ-ға балама болатын жаңа ұлттық тест әзірленіп жатқаны туралы жазған болатынбыз. Жоба құны шамамен 3 миллион доллар.

Сонымен қатар 2026 жылы ҰБТ форматы өзгеріссіз қалады: тест бұрынғыдай 120 тапсырмадан тұрады, ең жоғары балл 140, тестілеу уақыты 4 сағат.

Өзгерістерді талапкерлерге қосымша жүктеме түсірмей, олар білімін ғана емес, оны оқу мен жұмыста қолдануға дайын екенін көрсете алу үшін кезең-кезеңімен енгізіледі деп жоспарланған.

Еске сала кетейік, 11 сәуірде Қазақстанда ҰБТ-ға қатысу үшін өтініш қабылдау басталды. Емтиханға тіркелу 25 сәуірге дейін жалғасады. Өтінішті Ұлттық тестілеу орталығының app.testcenter.kz сайтында немесе UTO мобильді қосымшасы арқылы беруге болады.

Google News арқылы жаңалықтарымызды қадағалаңыз