Қазақстандық семсерлесушілер әлем кубогі кезеңінде алтыншы орын алды

Қазақстан құрамасы командалық жарыста ширек финалға дейін жетті. Турнир барысында отандық семсерлесушілер Португалия мен Германия құрамаларын жеңді. Алайда 1/4 финалда Швейцарияға жол берді. Нәтижесінде ұлттық құрама алтыншы орынға тұрақтады.

Ел намысын Эльмир Әлімжанов, Руслан Курбанов, Ерлік Сертай және Кирилл Проходов қорғады.

Жарыста Франция құрамасы жеңіске жетті. Оңтүстік Корея күміс медаль иеленсе, Нидерланд құрамасы қола жүлде еншіледі.

Айта кетейік, жекелей сында Руслан Курбанов алтын медаль жеңіп алды.

Еске салайық, Хорватия астанасы Загребте күрес түрлерінен өткен «Zagreb Open-2026» рейтингтік турнирінде қазақстандық Ислам Евлоев (97 келі) грек-рим күресінен күміс жүлдегер атанды.