Қазақстанға 200 мың жұмысшы мамандық иесі қажет

Елімізде кадр қат. 2030 жылға қарай елдегі маман ташылығы 1,8 млн адамға жетуі мүмкін. Әсіресе техникалық білімі бар қызметкерлерге сұраныс сұрапыл. Мәселен, жыл сайын 150 мыңға жуық жас жұмысшы мамандықтарда білім алып, бітіріп шығады. Оның 80%-і өз біліктілігі бойынша жұмысқа орналасады. Сөйте тұра нарықта техникалық білімі бар қызметкерлер тапшы. Айталық, елде 770 колледж болса, оның 600-ден астамы жұмысшы мамандарды даярлайды. Жауаптылар саладағы сұранысты қамтамасыз ету үшін білім гранттарын көбейтуге бейіл.