Қазақстанның ӘЧ дегі сенсациясынан кейін бапкер мәлімдеме жасады

Қазақстан құрамасының бас бапкері міндетін атқарушы Талғат Байсуфинов Солтүстік Македониямен матч туралы пікір білдірді, деп хабарлайды Vesti.kz.

2026 жылғы әлем чемпионатына іріктеуінде Қазақстан J тобының көшбасшысымен 7-турында Скопьеде (Солтүстік Македония) ойнап, 1:1 есебімен тең түсті.

"Ең алдымен, елімізді, жанкүйерлерімізді осы оң нәтижемен құттықтаймын. Әрине біз жеңіске жетуді мақсат еттік, бірақ, ойынның қандай болатынын білдік. Жігіттер жанкештілік танытып, өз міндеттерін орындады.

Ойын жайлы айтар болсақ: бірінші таймда өз ойынымызды көрсеттік, прессингтен сауатты шыға білдік. Үзілісте ойыншыларға Македонияның шабуылға үлкен күшпен шығатынын ескерттік.

Екінші таймда, әрине, ойын құрылымы бұзылды. Бірақ жігіттер ойынды жеңілдетті – шабуылшыларға ұзақ паспен ойнады, олар өз міндетін жақсы атқарды.

Әлі де тұрақтылық бағытында жұмыс істеп жатырмыз. Бұл соңғы екі ойында байқалып тұр. Ойыншылар біздің философияға үйрене бастады, оларға бұл ұнайды. Бұйырса осы философиямен тұрақтылықты ұстап тұрып, ары қарай жұмыс істей береміз", - деді Байсуфинов баспасөз мәслихатында.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport