Қазақстанның алғашқы Құрылтайының үш вице спикері аталды

Құрылтайдың бірінші шақырылымының депутаттары жаңа бір палаталы парламент төрағасының үш орынбасарын сайлады.

Олар — Нұрлан Бекназаров, Дания Еспаева және Динара Закиева.

Нұрлан Бекназаров бұған дейін Парламенттің VIII шақырылымы Сенатында Шымкент қаласының өкілі болған. 2023 жылдың қыркүйегінен бастап Конституциялық заңнама, сот жүйесі және құқық қорғау органдары комитетін басқарды.

Дания Еспаева «Ақ жол» демократиялық партиясының төрайымы. Парламенттің VIII шақырылымы Мәжілісінде вице-спикер қызметін атқарды. 2019 жылы Еспаева Қазақстан тарихында президенттікке кандидат ретінде ұсынылған алғашқы әйел болды.

Динара Закиева 2023 жылдың маусымынан бастап Бала құқықтары жөніндегі уәкіл қызметін атқарды. Бұған дейін ол VII шақырылым Мәжілісінің депутаты болып, «Қамқорлық қоры» қоғамдық қорын басқарған.

Бұған дейін Құрылтай төрағасы болып Айбек Дадебай сайланған болатын. Оның орынбасарлары спикердің тапсырмасы бойынша жекелеген функцияларды атқарып, төраға болмаған жағдайда оның міндетін орындайды.

Кеше, 15:29