Қонаевта Жапония мамандары эндоскопиялық хирургиядан шеберлік дәріс өткізді

Qazaq24.com, 24.KZ дереккөзінен алынған ақпаратқа сүйене отырып жаңалық таратады..

Қонаевта жапондық мамандардың қатысуымен эндоскопиялық хирургия бойынша шеберлік дәрісі өтті.

Отандық және шетелдік дәрігерлер екі күн бойы операция жасады. Әрі клиникалық жағдайға қатысты мәселелерді талқылады. Жапон дәрігерлері эндоскопиялық операцияның жоғары техникалық дәлдікпен жасалатын заманауи әдістерін көрсетті. Ұйымдастырушылардың айтуынша, мұндай іс-шара медицина қызметкерлерінің біліктілігін арттырып, жаңа технологияларды клиникалық тәжірибеге енгізуге мүмкіндік береді. Шеберлік дәрісіне облыстың эндоскопистері офлайн форматта қатысса, қалған өңірлердегі дәрігерлер онлайн режимде қосылды.

Йошикадзу Хаяси, эндоскопист дәрігер /Жапония/:

- Шеберлік сағатында біз күнделікті өмірде жиі қолданылатын эндоскопиялық әдіс-тәсілдер жайлы айттық. Ұсынылған материалдардың барлық қатысушыларға пайдасы тиеді деген ойдамын. Тәжірибе алысу бағытында ұйымдастырылатын мұндай іс-шараларды алдағы уақытта да жалғастыру қажет. Болашақта дәрігерлердің процедура барысындағы психоэмоционалдық тұрақтылығына айрықша мән беретін боламын.

Ержан Сүлейменов, облыстық денсаулық сақтау басқармасының басшысы:

- 2026 жылдан бастап келісім шартқа отырып, Алматы облысының эндоскопия хирургтарын тегін Жапония мемлекетіне эндоскопиялық мастер-кластарға оқытуға жібереміз. 1 айдан 2 айға дейін ұзақтығы. Біздің мына Алматы облысының халқына, біздің жерлестерімізге осындай үлкен мамандарды алып келіп, біздің мамандарға көмек жасап, білімін жетілдіріп және ары қарай дамытуға атсалысамыз.

Оқиғаларды жіберіп алмау үшін Qazaq24.com сайтынан ең өзекті жаңалықтарды қарап отырыңыз.