Қысқы Олимпиададағы қазақ волонтері: шетелдік озық тәжірибені еліме апарғым келеді

Айшат және Нұршат Иембергенқызы есімді отандастарымыз бір отбасының егіз қыздары. Алматы обылысы, Еңбекшіқазақ ауданы Тауқаратұрық ауылында туып өскен егіздер жастайынан білімге құштар болып, Алматы қаласындағы Қазақ ұлттық аграрлық зерттеу университетінде (ҚазҰАЗУ) магистр дәрежесін алған.

Алайда, қыздар білім жолын шетелде жалғастыру туралы шешім қабылдап, таңдау Италияға түскен.

— Шетелде білім алып, өзіңді дамыту керек деген мақсатымыз болды. Басты арманымыз — шетелдің озық тәжірибесін елімізге әкелу. Сол себепті, ағылшын тілін оқып, Италиядағы University of Eastern Piedmont Amedeo Avogadro университетінің тағам, денсаулық және қоршаған орта мамандығына оқуға түстік, — деді Айшат.

Нұршат Олимпиаданың ерікті қызыметіне қалай келгенін айтып берді.

— Индиялық достарымыз болды. Ең алғаш волонтер болу туралы солардан естідік. Милан қаласында өткен іріктеуде барлық қабілеттерімізді сынап көрді. Қортындысында, біз бастапқы іріктеуден сұрінбей өтіп, Олимпиада ойындарының ерікті қызыметіне шақырту алдық. Дайындық курстарынан сәтті өткеннен кейін, мен Миланда ұйымдастыру бөлімінде, ал Айшат Ливиньо курортының транспорттық ұйымдастыру бөлімінде жұмыс атқарып жатырмыз, — деді ол.

Егіздер қазақстандық спортшылардың Олимпиадағы барлық жарысына жанкүйер болып отырғанын, сонымен қатар 32 жыл күткен алтын медаль үшін шын жүректен қатты қуанғанын жасырмады.

— Шет жерде жүргенде отандастарымыз ұшырасса, қатты қуанамыз. Еліміздің әр спортшысы үшін жанкүйер болып, жеңіске жетсе екен деп тілекші болып отырмыз. Михаил Шайдоров алтын медаль алғанда қуаныштан көзімізге жас келді. Көптеген шетелдік волонтер әріптестерім құттықтау жіберді, — деді Айшат.

Қазақ қыздары қазіргі уақытта осындай үлкен спорттық іс-шарада жүріп көптеген тәжірибелер жинап жатқанын баса айтты. Олар алдағы уақытта туған жері Алматыда қысқы Азия ойындарының өтетіні туралы жаңалықты мақтанышпен қабылдағанын, сонымен қатар сол шарада қызымет атқарғысы келетінін жеткізді.

— Алматыда қысқы Азия ойындары өтетініне қатты қуанамын әрі мақтан тұтамын. Осындай халқаралық деңгейдегі шаралар еліміздің беделін көтеріп, еліміздің қысқы спорттының дамуына айтарлықтай үлес қосатынына сенімдімін. Шынымды айтсам, туған жерімізде қысқы Азия ойындарына қызымет атқарып, бір кісілік үлесімізді қосқымыз келеді, — деді Нұршат.

Айта кетерлігі, осыған дейін Олимпиада ойындары өтіп жатқан Ливиньо шаңғы курорты және Милан қаласы туралы таныстырып, фоторепортаж ұсынған едік.