Қытайда ЕҰУ стандарттарына негізделген жаңа институт ашылды

Қытай Халық Республикасындағы Наньнин педагогикалық университетінде Л.Н. Гумилев атындағы ЕҰУ-мен бірлескен «Еуразиялық ғылым және технологиялар мектебі» институты ашылды, деп хабарлайды Egemen.kz.

Институт-филиалда Қытай азаматтары химия және биология бағыттары бойынша білім алады. Оқу бағдарламасы толықтай ЕҰУ стандарттарына негізделген. Жобаның басты артықшылығы – түлектерге екі жоғары оқу орнының дипломы бірдей табысталады. Институт үшін Наньнин педагогикалық университеті базасында оқу үдерісін жоғары деңгейде ұйымдастыруды қамтамасыз ететін заманауи техникалық құралдармен жабдықталған жеке ғимарат бөлінген.

Елордалық оқушы Гарвард университетіне оқуға түсті

Институттың ашылуы халықаралық академиялық ынтымақтастықты дамытуға, жоғары білікті мамандар даярлауға, сондай-ақ Қазақстан мен Қытай арасындағы ғылыми-білім беру байланыстарын кеңейтуге бағытталған.

Ашылу салтанатына Л.Н. Гумилев атындағы ЕҰУ Басқарма төрағасы – ректоры Ерлан Сыдықов, Наньнин педагогикалық университетінің президенті Лун Гуанцинь, аталған университеттің партия комитетінің хатшысы Чжан Пэн, сондай-ақ екі жоғары оқу орнының өкілдері қатысты.

«Қазақстан Президенті Қасым-Жомарт Тоқаев атап өткендей, Қытай – Қазақстанның сенімді көршісі, жақын досы және мәңгі стратегиялық әріптесі. Біз бұл жобаны тек академиялық байланыстарды кеңейту құралы ретінде ғана емес, сонымен қатар университеттің бәсекеге қабілеттілігін арттырудың және қазақстандық білімді халықаралық деңгейде ілгерілетудің маңызды тетігі ретінде қарастырамыз.

Жобаның тарихы 2022 жылдан басталады. Жүргізілген жұмыстардың нәтижесінде 2023-2024 жылдары тараптар арасында ынтымақтастық туралы құжаттарға қол қойылып, бірлескен институт құру туралы келісімге қол жеткізілді.Бұл жоба тек біздің университет үшін ғана емес, жалпы Қазақстан үшін де жаңа қадам болып табылады және оны ең перспективалы халықаралық жобалардың бірі деп атауға болады. Бұл жаңа кезең Қазақстан мен Қытай арасындағы ғылыми-білім беру байланыстарын нығайтып, мамандар даярлауға жаңа мүмкіндіктер ашады деп сенемін», деді ЕҰУ ректоры Ерлан Сыдықов.

ЕҰУ ректоры алдағы уақытта білім беру бағдарламаларының тізбесін кеңейту және студенттер санын арттыру жоспарланып отырғанын да атап өтті.

С. Сейфуллин атындағы университет алғаш рет QS WUR by Subject 2026 рейтингіне енді

Наньнин педагогикалық университетінің партия комитетінің хатшысы Чжан Пэннің айтуынша, Еуразиялық ғылым және технологиялар мектебі – Қытай Халық Республикасының Білім министрлігі мақұлдаған Наньнин педагогикалық университетінің алғашқы бірлескен білім беру мекемесі және Қытай мен Қазақстан арасындағы алғашқы бірлескен оқу орны.

«Бірлескен институттың ашылуы Наньнин педагогикалық университетінің интернационалдануының жаңа кезеңін білдіреді. Бұл тек тәжірибелік қадам ғана емес, сонымен қатар Қытай мен Қазақстан арасындағы білім беру алмасуларын тереңдету, өркениеттердің өзара түсіністігін арттыру және «Бір белдеу – бір жол» бастамасын жүзеге асыруға бағытталған нақты іс-шара», деді спикер.

Соңғы жаңалықтар

Италияға саяхат және қымбат техника: Астанада емхана басшылығы бюджет қаржысын жымқырған

Медицина • Бүгін, 15:59

Ахмет Жұбановтың 120 жылдығы: Ақтөбе облыстық филармониясының хоры Алматыда өнер көрсетті

Мәдениет • Бүгін, 15:47

Астанада 13 елден келген студент ЖИ технологиялардың заң жүйесіне әсерін зерттеді

Білім • Бүгін, 15:34

Жүлде қоры – 1 млн доллар: Қазақстанда халықаралық AI Film Festival өтеді

Кино • Бүгін, 15:08

Қайырымдылық қаражатын жымқырған Перизат Қайрат колонияда қандай жұмыс істеп жүр?

Қоғам • Бүгін, 15:05

Олжас Бектенов: Инфляция деңгейін төмендету саясаты жалғасады

Инфляция • Бүгін, 15:02

Мерекеде жұмыс істейтін мәдениет қызметкерлеріне қосымша ақы төлеу талап етілді

Қоғам • Бүгін, 14:55

Мемлекет басшысы Корея Республикасы Президентінің арнаулы өкілін қабылдады

Президент • Бүгін, 14:44

Полиция инвестициялық алаяқтықтың қауіпті схемалары туралы ескертті

Қоғам • Бүгін, 14:40

Астаналықтардың көлік салығы бойынша берешегі 7 миллиард теңгеге жетті

Елорда • Бүгін, 14:31

Биыл елімізде әскери парад өтпейді

Әскер • Бүгін, 14:15

Заң күшейді: Мемлекеттік қызметшілерге қойылатын талаптар көбейді

Қоғам • Бүгін, 13:45

Енді мемлекеттік қызметке кадрларды іріктеу цифрлық форматта жүзеге асырылады

Қоғам • Бүгін, 13:33

Қазақстанда иесіз жануарларды тегін вакцинациялау тоқтатылады

Заң • Бүгін, 13:20

Үй жануарларын чиптеу: Жануарлар туралы жаңа заң бойынша иелердің жауапкершілігі күшейтіледі

Қоғам • Бүгін, 13:03

Барлық жаңалықтар