Қызылордалық кәсіпорын 4,5 млн теңгеге жуық айыппұл төледі

Табиғи монополиялар туралы заңның 26-бабы 2-тармағының 15- тармақшасына сәйкес табиғи монополия субъектісі бекітілген тарифтік сметаны орындауға міндетті.

- «Шалқия Цинк ЛТД» қоғамы тарифтік сметада көзделген амортизациялық аударымдар қаражатын мақсатсыз пайдаланған. Сондай-ақ базалық қайта қаржыландыру мөлшерлемесін ескере отырып, 11 252,14 мың теңге көлемінде өтелмеген шығынға жол берген. Осыған байланысты департаменттің бұйрығымен бәсекелес кірме жол болмаған акционерлік жағдайда кірме жол қызметтеріне тарифті 21%-ға төмендете отырып, уақытша өктемдік тариф енгізілді.

Сонымен қатар әкімшілік іс қозғап, 6 291 200 теңге мөлшерінде айыппұл салды. Соттың 2026 жылғы 20 қаңтардағы қаулысымен әкімшілік кодекстің 829-11-бабының 2-бөлігі негізінде әкімшілік айыппұл сомасы 30%-ға қысқартылып, 4 403 840 теңге болды.

Қазіргі уақытта айыппұл толық көлемде мемлекеттік бюджет кірісіне төленді, - делінген хабарламада. 

Бұған дейін біз еліміздің табиғи монополия субъектілері 2 жылда 44 млрд теңгені мақсатсыз жұмсағанын жаздық.