Ресейдегі мұнай өңдеу көрсеткіші өте төмен деңгейге түсіп кетті

Өткен жылдың осы кезеңімен салыстырғанда, мұнай өңдеу көлемі тәулігіне 1,4 миллион баррельден астамға қысқарған.

Bloomberg мәліметінше, мамыр айында Ресейдің мұнай өңдеу зауыттары тәулігіне орта есеппен 4,58 миллион баррель мұнай өңдеген. Бұл көрсеткіш 2009 жылдың қазан айынан бергі ең төменгі деңгей болған.

Вице-министр Қазақстандағы мұнай мен газ қорының көлемін жариялады

Ал Kpler деректеріне сәйкес, маусым айында Ресейде тәулігіне шамамен 4,1 миллион баррель мұнай өңделген.

Айта кетейік, әлемде мұнай бағасы 3%-дан астам өсті. Қақтығыстың қайта күшеюіне байланысты Ормұз бұғазы арқылы кеме қозғалысы бірнеше аптадағы ең төменгі деңгейге түсті. Иран Ормұз бұғазы жабылғанын мәлімдесе, АҚШ президенті Дональд Трамп оның коммерциялық кеме қатынасы үшін ашық екенін айтты. БАӘ-нің ADNOC компаниясы тамыз айына арналған Murban мұнайының ресми сату бағасын төмендетті.

Еске сала кетейік, бұған дейін БАҚ беттерінде Ресей Қазақстаннан шамамен 50 мың тонна АИ-92 бензинін жеткізуді жоспарлап отырғаны туралы ақпарат тарады. Алайда Энергетика министрлігі Ресей тарапынан ресми өтініш түспегенін мәлімдеді.