Сахнадан бозкілемге

Орал қаласында қазақша күрестен «Өнер барысы» турнирі өтіп, оған облыстың мәдениет және өнер қызметкерлері қатысты.

«Жайық арена» спорт кешенін­де өткен тартысты іс-шараны Батыс Қазақстан облыстық дене шынық­тыру және спорт басқармасы мен Ғарифолла Құрманғалиев атындағы облыстық филармония ұйымдастырған еді. Турнирге Жаңа­қала, Қазталов және Сырым аудандарынан, Орал қалалық мәдени-ағарту бірлестігі ұжы­мынан және облыстық филармониядан да күреске бейімі бар мәдениет қызметкерлері қа­тысты.

Сахнада, мәдени іс-шараларда көрінетін өнерпаздар бозкілемде белдесіп, өздерін жаңа қырынан танытты. Өте тартысты өткен додада Сырым ауданының командасы жеңімпаз атанды. ІІ орын облыстық филармонияның «Атамекен» командасына бұйырса, жүлделі ІІІ орынды Жаңақала ауданынан келген палуандар қанжығасына байлады. Жүлдегер және жеңімпаз командалар диплом, медаль, қаржылай сый­лықпен марапатталды.

Батыс Қазақстан облысы