Саин бойымен қай жерде 60 пен жүру керек және жылдамдық шектеуі неліктен өзгертілді, Алматы әкімдігі түсіндірді

Алматыда Саин көшесінің бір учаскесінде жол қозғалысын ұйымдастыру тәртібі өзгерді. Мұнда жаңа таңбалар пайда болып, жылдамдық сағатына 60 шақырымға дейін шектелді, деп хабарлайды Tengri Auto.

Алматы Көлік басқармасының мәліметінше, өзгерістер тек Рысқұлов даңғылынан Төле би көшесіне дейінгі оңтүстік бағыттағы учаскеге қатысты. Саин көшесінің қалған бөлігінде жылдамдық режимі бұрынғы күйінде қалды.

Басқармадағылар бұл өзгерістердің қажеттілігі Саин көшесі Мөңке би көшесіне дейін ұзартылғаннан кейін туындағанын түсіндірді. Осының салдарынан аталған учаскедегі көлік ағыны айтарлықтай артқан.

Instagram-дағы бұл жарияланымды көру

Көлік басқармасы (@almaty_transport) жариялаған пост

Әсіресе, эстакададан түсетін жолдар мен тоннельден шыға беріс түйісетін Domillion сауда үйінің маңында жағдай қиын болатын. Жүргізушілердің жиі жолақ ауыстыруына байланысты шұғыл тежеу мен қауіпті маневрлер жасауға тура келетін.

Қозғалысты қауіпсіз әрі реттелген ету үшін мамандар қолданыстағы жолақтарды тарылтып, соның есебінен қосымша төртінші жолақты жабдықтады. Алматы қалалық мобильділік басқармасының хабарлауынша, мұндай шешім жүргізушілерге жолаққа біртіндеп ауысуға мүмкіндік береді және апаттық жағдайлардың туындау қаупін азайтады.

Жылдамдықты сағатына 60 шақырымға дейін шектеу де көлік ағынын біркелкі етуге бағытталған. Бұл аталған учаске үшін өте маңызды, себебі одан кейін бірден Райымбек даңғылы мен Төле би көшесіндегі көптеген кіреберіс пен шығаберістер шоғырланған жолайрықтар орналасқан.

Google News арқылы жаңалықтарымызды қадағалаңыз