Сапасыз фильм түсіріп, қазақ киносының деңгейін түсірме! : Мөлдір Мұқанова ауыр сынның астында қалды

20 қарашадан бастап танымал әзілкеш Тұрсынбек Қабатовтың бұрынғы әйелі әрі продюсер Мөлдір Мұқанова түсірген “Шәй в большом городе” фильмі қалың көрерменге жол тартты. Бірақ фильмді көріп үлгерген қазақстандықтар М. Мұқанованың алғашқы туындысын сынап жатыр, – деп хабарлайды Aikyn.kz сайты.

Мөлдір Мұқанова фильмнің продюсері ғана емес, сонымен қатар басты рөлді де сомдады. Оның айтуынша, фильм қоғамдағы өзекті тақырыптарды көтереді және актрисаның жеке өмірінің бірнеше сырлы қырын ашып көрсетеді.

Threads желісінде фильмді тамашалап үлгерген қазақстандықтар теріс пікір қалдырып жатыр. Мәселен “ariwithnoferrari” парақшасының авторы фильмнің жарық көруін екі ай күткен анасымен барғанын, дегенмен фильм мүлдем ұнамағанын жазған.

“Мүлде түсініксіз. Мен бұл фильмді екі ай күттім. Фильмде жылаймын деп қалтама майлық салып алып едім, болмады. Фильмнің соңы мүлде түсініксіз аяқталды. Фильмге тек Мөлдірді қолдау үшін баруға болады, Мөлдір өте жақсы әйел, оның миллиард табыс тапқанын қалаймын”, – деді бойжеткеннің анасы.

Өзге қолданушылар фильмнің мүлде мағынасыз екенін, асығыс түсірілгені көрініп тұрғанын жарыса жазып жатыр.

“Бүгін құрбыларыммен “Шай в большом городе” фильміне бардық, кешіріңіздер, бірақ бұл өмірімде көрген ең мағынасыз фильм. Мына сұмдықты көрмеген жаңа көз керек. Фильмде тек актриса Ақерке жақсы алып шықты, ал қалған әртістер оқушы секілді ойнаған. Тіпті Мөлдірді қолдау үшінде көріп керек емес секілді. Өмірімде алғаш рет теріс пікір жазып отырмын”, “Қайрат Әділгерейдің әйелі де соны айтқан, сұхбатта айтқанын фильм қылып түсірген деп, жерден алып, жерге салды ғой”, “Жаңа ғана фильмнің жартысын көрмей, шығып кеттім. Сұмдық қой. Босқа кеткен уақытты айтсаңызшы”, “Шай в большом городенің” асығыс түсірілгені көрініп тұр ғой, шикі. Фильмнің баннер, басындағы шрифттеріне дейін онша емес. Мөлдірдің дикциясы құлаққа түрпідей естіледі. Өзін дәлелдеймін деп апыл-ғұпыл түсіре салған” “Қазір кинотеатрда фильмді көріп отырмын. Айтарға сөзім жоқ. Мынау көретін фильм емес, ешқандай сюжет жоқ, актерлердің ойыны нашар. Фильмдегі киімдер туралы айтпай-ақ қояйын, мұндай киноны қалай шығарды екен?”, “Жалпы, Мөлдірдің киносын бір қолдап жіберейік ел-жұрт болып. Бірақ, бұдан кейін кино түсірмейсің деген шартпен”, “Сапасыз фильм түсіріп, отандық киноның деңгейін түсірмеңіздерші” – деп жазып жатыр олар.