Семейде алғаш рет қала әкімінің сайлауы өтті

"Бұл – Президент Қасым-Жомарт Тоқаев ұсынған "Халық үніне құлақ түретін мемлекет" концепциясы нақты іске асып жатқанының айғағы", - дейді сайлаушылар.

Қалада кеше 128 сайлау учаскесі таңғы 07:00-ден кешкі 20:00-ге дейін жұмыс істеді. Шаһар бойынша барлығы 220 мыңнан астам сайлаушы тіркелген. Ал әкім лауазымынан үш кандидат үмітті. Қазір дауыс санау жүріп жатыр. Жалпы Семей халқы сайлауға белсенді қатысқан. Солардың бірі – 7 баланың анасы Анар Сүлейменова учаскеге үш баласымен бірге келген. Көпбалалы ана:«Семейдің болашағы үшін әрқайсымыздың дауысымыз маңызды», - дейді. 

Анар Сүлейменова, көпбалалы ана:

- Бір айдан бері балаларға дауыс беру керек деп жүрдім негізі. Көп бағдарламасы ұнады, өз кандидатымды таңдадым. 

Сернад Қалиев, Семей қаласының тұрғыны:

- Абай өңіріміз үшін, Семей қаласы үшін тұңғыш рет халық болып әкімімізді таңдап жатырмыз. Бұл біздің болашақ демократиялық қоғамды қалыптастыруға үлкен үлес қосады. Сондықтан достарыммен осындай шараға келіп отырмыз. Менің ойымша, дұрыс таңдау жасадым.