Шатдаун: экономикалық шығын артуда

АҚШ-та үкіметтің жұмысы үшінші апта қатарынан тоқтап тұр. Қаржы министрі Скотт Бессенттің айтуынша, шатдаун ел экономикасына аптасына 15 млрд долларға дейін шығын келтіруі мүмкін.

Трамп әкімшілігі шатдаун басталғалы 4 мыңнан астам қызметкердің жұмыстан босатылғанын хабарлады. Қысқартулар федералды аппаратты азайту бағдарламасы аясында жүргізіліп жатыр. Бағдарламаға сәйкес биыл шамамен 300 мың адам қызметінен кетуі тиіс. АҚШ Әділет министрлігінің дерегінше, жұмыстан босатылғандардың 1400-ден астамы - қаржы саласының, 1100-ге жуығы - денсаулық сақтау саласының маманы. Бүгінде жүздеген мың адам мәжбүрлі демалыста, ал кейбірі еңбекақысыз жұмыс істеп жүр. Кәсіподақтар сотқа шағым түсіріп, шатдаун кезінде жұмыстан босатулар заңсыз деп мәлімдеді.